نتيجة موظفة في الباك و السيارة المسروقة💄🦹🏾‍♂️

احدى تلميذاتي لنسمها خديجة، تقسم معنا تجربتها ..
===

سلام استاد شكرا بزاف على هاد الرسائل القيمة
ديالك لي صراحة كترجعلي الثقة في نفسي،  بالنسبة للنقط ديالي جبت : 
12 الرياضيات
13,75 الفزياء 
المعدل العام : 11,47 
لست راضية ابدا على هاته النتائج

و ان شاء الله العام الجاي نعاوده  pc biof
و بالنقطة ليبغيت (وخا يبقا فيا غي عرق يسطر هه) 
و شكرا بزاااف مرة أخرى 

و لللإشارة انا ( باك ليبر ، و عندي مسبقا
باك علوم تجريبية خديتو ف 2010 , و حاليا موظفة بفاس ) 
و لكن ا استاذ هاد passable مبغاش دوز ليا ،
و مغاديش نتفاك حتى نجيب mention 
و شكرا مرة أخرى،  و دمت في رعاية الله و حفظه 

لا شكرا على واجب خديجة

خديجة مثلا لآلاف التلاميذ المترشحين المجتهدين
رغم جميع ظروفهم

كان يمكن أن تقول :
انا موظفة و كنخدم deja ثمانية السوايع
و كنرجع دماغي مفروع من الخدمة

عاد كتدخل على الشقاء ديال الدار
يمكن مسؤولية أسرة و يمكن شي وليد صغنتوت
داير الطيارة فالدار بحال نور

كان يمكن ان تقول : انا وصلت 28 عام و موظفة و مستقرة ماديا
لاش صداع الراس ؟
نتبع واحد جوج مسلسلات تركية ف 2M و ها النهار عمر صافي!
أولا نزيد غير شي جوج صحابات فالواتساب
و اراك من الميساجات ….
شي غادي شي جاي
شي داخل شي خارج

لكن خديجة ليست مثل الاخريات
عزيمة خديجة لا تشبه انهزامية الاخريات

انها ترى أمامها أفقا جميلا و طموحا محترما للافضل
لحياتها و لأسرتها

لكن ما اريد ان اركز عليه اليوم هو

جوابها و تفاعلها مع نقطتها في الوطني 11,47

وهذا مبدأ اساسي للناجحين
All News are Good News!

جميع الاخبار، اخبار جيدة!

تعلمت هذا المبدأ المهم من Dan Kenedy البيزنسمان اللامع

يقول: هناك نوعان من الناس

الذين يقسمون الاخبار الواردة عليهم الى أخبار جيدة و أخبار سلبية

و الذين يواجهون كل الاخبار الواردة كيفما كانت كأخبار ايجابية

الاوائل يحبون ان يطلقوا على أنفسهم اسم : الواقعيين

تقول احداهن : أنا واقعية.
جربت الباك ف lycée و جبت فيه 12
اذن هذا المستوى ديالي
شوف شي سونتر قريب من الدار

ناخد بعد شي دبلوم و يحن الله.

مشكلة الفئة الاولى الواقعيين انهم كل يوم يواجهون
عشرات الاخبار بعضها سلبي يصدمهم
بعضها ايجابي يشجعهم قليلا،
لكن سرعان ما يأتي الخبر السلبي بعده
فيحبطهم.

انهم مثل من يسوق سيارة
رجله اليمنى على دواسة البنزين accélerateur
و رجله اليسرى على مكابح العجلات freins

يضغط قليلا على البنزين.
ثم يضغط على المكابح
ثم يضغط قليلا على البنزين.
ثم يضغط على المكابح

تخيل كيف ستمشي هذه السيارة؟!

و هكذا يبقى المسكين اليوم كله
في حلقة مفرغة بين قليل من الفرح
و كثير من الصدمات و الاحباط

لذلك هؤلاء الواقعيين لا يصلون الى شيء في حياتهم

بينما الفئة الثانية مثل خديجة و يسرى و محمد
هؤلاء يستقبلون أي حدث و كل حدث بأنه حدث ايجابي جدا.

جبت 11,47 فالوطني؟
مزيان هاد النقطة فضحات ليا المشاكل اللي باقي عندي فطرق المراجعة.
خاصني نبدلهوم.

جبت استدراكية؟
اوك. ايوا فعلا انا فرطت فبرنامج المراجعة هاد العام
كنخدم عشوائيا
اذن العام الجاي غادي ندير خطة من طاق طاق حتى السلام عليكم
باش مبقيش نتصيد

بل طريقة التفكير هذه تعطيك فوائد غير متوقعة:

تعطلت اليوم فالنعاس؟
اوك. مزيان الحمد لله شبعت اليوم مزيان
و فالعشية غادي نبقا ساهرة حتى نكمل الواجب ديال اليوم

بهذه الطريقة انا شخصيا أعيش
فلا يخيفني أي شيء في الحياة

يتوفى الوالد مولاي علي؟
الله يرحمه و يوسع عليه
ذهب من شقاء الدنيا الى كرم الله في الاخرة
هنا عند الله و تما عند الله
غادي نبكي واحد اليومين ثم تدوز حرقة الفراق
و يبدأ شوق اللقاء عند رب الارباب

جاني سرطان؟
مرحبا. غادي نزيد نرد البال لماكلتي
لجهاز المناعة ديالي
و غادي نطيح شوية ديال الكرش.
غادي نختبر الصبر ديالي مزيان.

تسد باك ليبر.ما ؟
مزيان.
ايمكن وصل الوقت باش نبدا نعاون ناس آخرين.
ايمكن صافي عطيتي داكشي اللي قدرتي عليه
دوز لحاجة أخرى.

صديقنا Dan يروي مثلا كيف كان يلقي محاظرة
في قاعة تطل على مرأب السيارات
و بينما هو منغمس في نفع تلامذته

اذا به يرى لصا مقنعا يكسر نافذة سيارته
ثم يدخل اليها
و يشعل المحرك
و يبدأ بسرقتها أمام عينيه

ماذا قال صديقنا؟

جيد. حان الوقت لشراء سيارة جديدة!

تذكر أكبر فائدة لطريقة التفكير هذه:
أنك تضغط برجل واحدة على دواسة البنزين accélerateur

فأنت تمضي في حياتك بسرعة البرق
تنتقل من نجاح الى نجاح

طيلة 360 يوما في السنة
اوك.. قد يصيبك احباط يوما واحدا في السنة
لكنك تتغلب عليه بسرعة

ثم تدوس دواسة البنزين

بينما الآخرون هناك بعيدا …
ينخضون في سياراتهم أو دراجاتهم النارية

مبروك خديجة على نتيجتك

اضغطي على البنزين!

اتمنى لك انت ايضا نفس الشيء.

بالتوفيق

تريدني أن اساعدك في تحضير الباك العام القادم؟

اذا كنت جديا قد استطيع ان اساعدك
لتقوي مناعتك النفسية ضد كل الشك التلفة
و الستريس stress في الامتحانات

لترجع كل la base التي نسيتها

لتستوعب اكثر و ترسخ معلوماتك اكثر mémorisation

بطرق سهلة…(لا تتجاوز عشر دقاءق)

و تحقق 18 و 19 في الامتحان القادم
و تكون الشخص الذي يفتخر به الجميع
(اكثر من 1562 تلميذ جربها بنجاح!)

دورة باب الباك المدفوعة هنا:
baclibre.ma/pdvdrct10/

الدكتور جمال المغاري

About the author

Jamal Doc. Lamghari

Leave a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

متابعة يومية معالدكتور المغاري؟
+ +