خبر عادي و كلية الطب بالباك حر

نهار الثلاثاء اللي فات مشيت نتقدى
شوية ديال الديسير و الحلوى
و تلاقيت واحد التلميذة
جاني وجهها ماشي غريييب
Sur تشاوفنا شي مرة

سلمات عليا أستاذ بخير
كلت ليها فين تلاقينا؟

أستاذ هادي 4سنين ف 2014
Change Days Agadir
فواحد اللقاء فاكادير

فين وصلتي؟
اوه
وجهها ولا مضوي
و ابتسامة كبيرة

فاش تلاقينا كنت دوزت عامين فالفاك
ديال بني ملال MIP
و نجحت ف deug ولكن معجباتنيش

هي هاديك
تلاقينا فاكادير…

و قررت نعاود باك حر
و جبتو بنقطة مزيانة

( فالحقيقة معارفتش شحال…
كانو عندي ضياف عزاز جايين
الوالدين و نسابي و العاءلة
و مزروب نتقدى ليهوم شوية دواز اتاي و الديسير )

و لكن المهم جبت معدل مزيان
و دوزت الكونكور ديال Medecine
هو. اللي كنت بغيت
و جبتو

ودابا؟
ابتسامة كبيرة
و عينين كيبرقوا بالفرحة و الاعتزاز

أنا كنقرا فالسنة الثانية في كلية الطب ديال اكادير

بالتوفيق منال …

دأبا communauté باكليبر
احتلت كولهوم …

كلية الطب …. ديال فاس ، مراكش، الدار البيضاء ، وجدة، و دأبا اكادير

الى الامام

—-
اللي صيفت ليا ميساج موءخرا يعطوني علاش مجاوبتش
مريض و ظروف خاصة معنكشة مزيان
دعواتك الصالحة ليا و العاءلة

شكرًا لتلامذ اللي باركوا ليا عيد الميلاد 5 فبراير

بالتوفيق ليك.