شكون هو الدكتور المغاري ؟

السلام عليكم،

مرحبا بيك فموقع باك ليبر.ما،

هاد الموقع أسسو الدكتور مولاي إسماعيل المغاري جمال، المعروف ب الدكتور جمال.

 

جمال مهندس دولة من المدرسة العليا للمهندسين “Polytech Nantes” فمدينة نانت الفرنسية. (دفعة 2002 ).

و هو دكتور دولة أيضا من جامعة نانت Université de Nantes من دفعة 2006.

ايلا فضولي شوية ضرب طليلة على الاطروحة ديال الدكتوراة هنا :

أطروحة الدكتوراة Mon manuscrit de thèse ici :).

 

 

هادي 15 عام باش كنعاون تلامذ فالرياضيات و الفيزياء و الكيمياء فالباكلوريا…

 

باش يتغلبوا على الخوف، يتغلبوا على التمارين حتى ديك الصعيبة،

و يتفوقوا فامتحانات القسم و امتحانات الباكلوريا.

أولا ففرنسا حتى ل 2007 و من بعد فالدار البيضاء و مراكش و دابا فموقع التلامذ المتفوقين “باك ليبر.ما”.

 

و بالظبط فدجنبر 2010 ، صاوبت أول درس فيديو ديال الماط بالدارجةفالمغرب و فالدول العربية ….

و مكا نكولش ليك هادشي باش نفشر عليك. و لكن هادي حقيقة تقدر تأكد منها براسك … هنا غادي تلقا أول درس ديال المتتاليات العددية … تنشر فيوتوب بالعربية بالدارجة المغربية

( 9 Décembre 2010)

 

و تبعت الدروس ديال الرياضيات حتى كملتهوم عاد دزت للفيزياء عاد الكيمياء.

اليوم  ( دجنبر 2016) أكثر من 12772352 ، …. 12 مليون ديال التلامذ شافو الفيديوات على اليوتوب،  أغلبهوم كانوا مكيحملوش المواد العلمية و دابا تغلبوا على هاد الغول و كملوا حياتهوم .

 

 

و هذا فخر كبير لأنه شجَّع أساتذة آخرين باش يدخلوا هاد الميدان فال Sciences و الفرنسية و الانجليزية و الفلسفة …

 

 

و دابا الحمد لله كاينين أكثر من 20 أستاذ كيبارتجي الفيديوات و استافدوا منهوم مئات الالاف ديال التلامذ… و باقي الخير القدام ..

Lamghari photo

فهاد المسيرة عاونت الالاف من التلميذات و التلامذ ( ويمكن واحد فيهم هو اللي بارتجى معاك الموقع ياك ؟ ).

 

كيفاش ؟

هاد الطريقة فرنسية فالاصل.   و لكن دخلت عليها من بعد تقنيات أمريكية …. لتبسيط المواد العلمية في شعبة العلوم الفيزيائية و علوم الحياة و الارض، والعلوم الرياضية.

خدامة مزيان …. و كتعطي نتائج مخيرة ( تقدر تشوف أراء التلامذة دياولي فصفحة ماااااايمكنش ).

 

 

ماشي أنا اللي اخترعت هاد الطرق، و لكن عزيز عليا نقرا فعلم النفس السلوكي،

 

و نتعلم اخر ما كاين فالتنمية البشرية،

و نطبقهوم مع تلامذي و نستفدوا مثلا من تقنيات الكايزن،

من البرمجة اللغوية العصبية PNL، Neuro sciences،

من تقنيات محاربة الادمان، l’Analyse Transactionnelle

من بيداغوجية التداريب العسكرية، من استراتيجيات فنون الحرب،

و زيد و زيد ….

 

فهاد المجالات قريت أكثر من 100 كتاب … مئات محاضرات المرئية … والمئات المئات من المقالات

و كل يوم عندي ساعتين ديال المطالعة رسمية

NON négociable.

( ضرب طليلة على واحد الكرتونة ديال الكتب وصلت من فرنسا هنا )

 

 

– طريقة “منين نبدا” و “باب الباك” هي العصارة ديال العصارة ديال العصير ديال عشرات الطرق

 

اللي استعملوها ناس كبار ف Nasa، فجامعة Harvard،

مهندسين و رياضيين من المستوى العالمي.

فهاد المستوى Motivation مهمة بزاف و غير مسموح بالعكز.

 

هاد الطرق بيداغوجية، جديدة و مختلفين بزاف على كول حاجة شفتها حتى لدابا،
جايين من ثقافات أخرى أمريكية، فرنسية، روسية، و صينية … كتساعد التلميذ الضعيف

باش يفهم ثم يعقل بسهولة على العلاقات،

كتعلمو كيفاش ينظم وقت المراجعة ديالو،

و كيفاش يتحكم في التركيز أثناء الامتحانات.

 

 

و هادشي آلالاف التلميذات و التلامذ استافدوا منو و دخلو ل

 

Fac de Médecine، ENCG، ENSA،

و مدارس عليا فالمغرب و الخارج …و هذا فخر كبير كنعتز بيه بزاف …

هو اللي خلاني متبع ف “باك ليبر.ما”  …  ( لأنه عندي مشاريع أخرى و اهتمامات بعيدة …)

و لكن الانسان خاصو يرد واحد شوية للبلاد اللي كبراتو و عاونتوا .

المهم … الهدف الرئيسي فموقع “باك ليبر.ما” هو  :

 

أنت (ي) تجيب النقطة اللي معمرك حلمتي بيها… و ترجَّع الثقة فراسك !!

 

الدكتور جمال المغاري

أول شتنبر 2016، أكادير

 

أشنو تدير دابا ؟

 

كنصحك تسجل دابا فسلسلة “منين نبدا” … فعلا هي أهم سلسلة خاصاك

باش تحيد العجز و تنظم وقتك و ترجَّع النقط الزوينين اللي كنتي كتجيب…

دخل سميتك و الايميل ديالك هنا …و غادي نصيفتها ليك :


————–

QUELQUES UNS DE MES ÉLÈVES TEMOIGNENT :

 

 

Abdellah est en Sciences Physiques SPH :

 

Karim est en Sciences Physiques SPH :

 

Yassine est en Sciences de la Vie et de la Terre SVT :

 

3 تعليقات

  1. slm docteur jamal lah irham lik lwalidin 3la had les video li naf3ouna bzaf o ntmenaw tdir lina desi video f science d’ingenieur o lah ijazik bikhir

  2. cours dyal sciences de lingenieur la7afdek

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *