مساعدة

هادو أسئلة كيجيوني بزاف، الجواب ديالهوم هنا :

( الأجوبة الزربانة فالاول، الاجوبة العميقة زيـــد للتحت 🙂 )

 

أشنو الفرق بين الفيديوات اللي فابور و “باب الباك” ؟

باك ليبر.ما فيه جوج ديال الاجزاء :

ج1- الجزء المجاني فابوور هوما الدروس ديال الثانية باكلوريا فشعبة العلوم الفيزيائية و علوم الحياة و الارض، والعلوم الرياضية
هادو هوما اللي شفتي فيوتوب … كاينين منضمين فباك ليبر.ما

ج2- الفورماسين “باب الباك”. هادي بالخْلَاص

كتجمع فيديوات التمارين فقط
330 فيديو ديال الماط + 280 فيديو ديال الفيزياء + 120 فيديو ديال الكيمياء + 120 فيديو خاص بالعلوم الرياضية
كاع هاد الفيديوات تمارين مصححة و امتحانات وطنية كنصححهوم معاك دقة دقة باش تفهم les méthodes.

و  باش تطور الطريقة ديال المراجعة ديالك….

التفاصيل ديال  3 ديال السلاسل Bonus كاينين  لتحت

 

أستاذ أنا من الجزائر و بغيت نتقيد معاكوم ف “باب الباك”…. كيفه ندير ؟

القضية شوية صعيبة، و لكن تلامذ داروها و مقيدين معانا و كيستافدوا.

المشكلة أنه قانونيا ممنوع تصيفت الفلوس من الجزائر الى المغرب مباشرة.

غادي يخصك واحد من العائلة ففرنسا أولا فأوروبا… يخلص عليك ب Western Union  من ثما

صيفت ليا ميساج ف الايميل و نشرح ليك بالتفصيل.

emailbclbr3

 

أستاذ دكتور واش هاد “باب الباك” طويلة بزاف ؟ أنا باك حر و اش باقي الوقت باش نشوفها كولها ؟ 

اييه. فباب الباك 182.5 ساعة للماط و الفيزياء.

أوَّلا– غادي تبَّع

la méthode Tsunami + 2M + Napuccino + ( AAC o TAT merra merra )

  و غادي تخدم 4 ديال السوايع فالنهار مبرَّعة ديالك… بلا متحس بيها

ثانيا — 182.5/4 = 45 يوم … يعني شهر و نص فقط

غادي تدوز البروغرام ديال الماط و الفيزياء و الكيمياء كولُّو

( كاينين تلامذ باك حر تيخدموا 5 سوايع و 6 سوايع  فالنهار 182.5/5=36 يوم … وكولَّ واحد و جهدو )

 

أستاذ أنا دابا باك اقتصاد، واش نقدر نتسجَّل معاكوم فباب الباك ؟

فباك اقتصاد مغاديش تحتاج الفيزياء و الكيمياء، و لكن تسجَّل فالرياضيات بوحدها

غادي تستافد من 330 فيديو ديال التمارين + Bonus 1 + Bonus 2 + Bonus 3 

ب 700 درهم.

غادي تعطيك واحد الباز صحيحة فالوطني و من بعد

ف ENCG أولا les écoles Supérieures.

 

أستاذ المغاري بغيت نتسجَّل معاكوم فباب الباك، و لكن متجمعوش ليا الفلوس كاااملييييين ؟

دير واحد القضية … تسجَّل فمادة واحدة … ايما الرياضيات … أولا الفيزياء

(  داخل فيها Bonus 1 + Bonus 2 + Bonus 3 )

غادي تخلَّص 700 درهم و غادي تبدا تستافد من الطرق المتطورة ديال المراجعة

و فاش يكملو ليك الفلوس … عاود كمَّل الخلاص و خود المادَّة الثانية !!

المهم متبقاش كتضَيَّع فالوقت، و الحال كيدوز.

 

دكتور المغاري عافاك راني واااااااحل فالتوجيه معرفت منين نبداه … تالف ورني أحسن مدرسة تصلاح ليا !

السؤال سااااهل و لكن الجواب صعييييب.

التوجيه ماشي ساهل، و ماشي غير أجي و اختار و احد المدرسة و تسالا الفيلم…. لا

من بعد داك الاختيار … راه كاينا سنوات طوييييلة ديال قرا قرا … حفظ حفظ … دوز امتحان

كاينة مصاريييييييف كثيييرة … باش تاكل …باش تكري …  … transport … الطبيييب ….

اذن مايمكنش  نجاوبك فأيميل ولا ميساج فالفايسبوك … فجوج سطور…

التلامذ اللي دايرين معايا الكوشينغ …. راه كايجاوبوا على 30 سؤال بالورقة و الستيلو… قبل منهظروا فالتوجيه

–> أحسن نصيحة نعطيك هيا تسجَّل فالفورماسيون “التوجيه السريع في 5 خطوات” راها كتمشي معاك دقة دقة حتى

تلقا التوجيه اللي يصلاح ليك أنت ما شي لشي حد أخور ) كتسوى 500درهم و لكن غادي تنقص عليك 5 ديال المليون و سنوات ديال الضياع من بعد الباك) …

و هادشي اللي تانكول ليك راه عن تجربة …هاد الاسبوع تلميذة متفوقة من مكناس … جابت الباك ب 17.13 و ب Mention Très Bien ف 2014 …. و لكن صدقات دابا ضيعات عاميين بسبب توجيه فاشل

 

أستاذ أنا واعر déjà …. كنفهم مزيان فالقسم و كنجيب 16 و 17 بلا مشاكل … واش تقدر تفيدني “باب الباك” ؟

هادي يقدر يجاوبك عليها معاذ ( 18.41 فالوطني SMA ( أولا فؤاد ( 16.77 باك حر SPC )

و التلامذ الاخرين اللي معانا كيجيبوا 19 و 20 فالماط و الفيزياء فالوطني.

 أنت ايلا طبقتي غير  la méthode Tsunami + 2M + Napuccino + ( AAC o TAT )… راك غادي توصل ل 19/20 و 20/20 sûr … garanti

ما تنساش أنَّ الفرق بين مالييين 16 و ماليين 19ماشي هو الوقت ديال الخدمة … و ماشي هو عدد ديال التمارين …

أنت راك déjà  كتراجع 5 -6 ديال السوايع فالنهار … و كتسهر …و كتسالي ديما ديما باش تدوز ل Top …

 و لكن متغلَّبتيش على الحاجز النفسي ديال 19/20. ياك ؟

“باب الباك” غادي توريك 7 ديال الحواجز النفسية …و المهم surtout  كيفاش تغلَّب عليهوم.

 

دكتور واش كتدير كوشينغ الخاص بالتلفون و بشحال الله يخليك ؟… أنا عندي مشاكل مبعلكة و خاصني نهضر معاك ضروووووري

 

اييه كنديرو … و لكن العدد محدود بزاف عاد … . كنخصص ليه فقط ساعة واحدة فالاسبوع.

الثمن غالي شوية …  700 درهم للساعة…. لأن الوقت ديالي قليل و غالي.

للتفاصيل صيفت ليا أيميل و نشرح ليك.

 

دكتور المغاري أنا عاجبني هاد الشي … و لكن سامحني  بزاف .. فاش هضرت مع الواليد … كال ليا هاد غادي يكون غير شي نصَّاب …متديرش الثقة فأنترنيت أولدي…

عادة الي كيشَكْ كيدور ليا تلفون ف 0659551747 بين  5و7  ديال العشية ( نهار الاحد لا ) و كان نهضرو…

اقتنع ؟ مرحبا … ما اقتنعش ؟ مرحبتَايْن… كيكمَّل حياتو  وانا كنكمل حياتي .. نعاون تلامذ أخرين.!!

 *  زعما فنضرك من نوفمبر 2010 و أنا كنصَب على المغاربة … و حتى شي حد مَعَاق ؟

*  زعما فنضرك غادي نبين ليك وجهي ايلا كانت شي تغوفيلة فهاد القضية ؟

* فنضرك غادي نصاوب 300 فيديو … واحدة مورا واحدة … ف6 سنين …  فابور و نلوحهوم فيوتوب

باش نصب و ندي 1200 درهم صافي… ما هي 2 جوج ديال المليون … ماهي أرض … ؟  راه كاين ما أسهل بزاف …!

—->  راه حنا دابا فعالم فايسبوك و Watsapp …. غير ديرها زينة راه توصل توصل  … ياك ؟

شحال من مجرم تشد بفيديو غير فهاد اليامات الاخيرة … ؟

المهم هذا ما كان … ارتحيتي ليا و درت الثقة مرحبا … شكيتي الله يسير ليك.

بالنسبة للواليدة اولا الواليد وريه هاد الفيديو اللي صاوبتها لأباء و أولياء التلاميذ

 

 دكتور ايلا تقييدت دابا فالفورمسيون “باب الباك” أشنو غادي نلقا فيها ؟

الفورماسيون “باب الباك”. هادي خطة مفصَّلة من الاف الى الياء، هي بالخلاص للتلامذ sérieux اللي بغاو يمشيوا بعيد و يجيبو Mention مخيرة. لأفضل المدارس و أكبر الجامعات.

“باب الباك” كتجمع فيديوات التمارين فقط
330 فيديو ديال الماط + 280 فيديو ديال الفيزياء + 120 فيديو ديال الكيمياء
+ 120 فيديو خاص بالعلوم الرياضية
كاع هاد الفيديوات تمارين مصححة و امتحانات وطنية كنصححهوم معاك دقة دقة باش تفهم les méthodes.

يعني فالمجموع أكثر من 850 فيديو حصرية معمرك ما شفتيهوم ديال التمارين بالتصحيح الممل بالخشيبات
كل فيديو فيه بين15 دقيقة ل 20 دقيقة

يعني واحد 182.5 ساعة مسجلة واجدة ناضية كتسناك
( 82.5 ساعة ديال الماط + 70 ساعة ديال الفيزياء + 30 ساعة ديال الكيمياء )

+

Bonus 1 الهدية 1 :  سلسلة “الخمسة الأخطاء القاتلة في الباكالوريا “التي تتكون من  5 أجزاء  ( 20  – 30 دقيقة لكل جزء)

اللي كتشرح ليك كيفاش تنظم القراية ديالك استراتيجيا ؟ …فين تلقى Motivation ؟ و كيفاش تحرَّك الرغبة عندك فالقراية ؟ … رغم شوية العجز و التهامن نازلين عليك…. و طريقة باش تخدم 1 ساعة و تلقى النتيجة ديال 3 سوايع. بالاضافة الى برنامج المراجعة المتقدمة… هادي التكملة لخطة المراجعة من 16 خطوة.

+

Bonus 2 الهدية 2 : سلسلة “التقنيات السبعة المتطورة للمراجعة في الباكالوريا “ التي تتكون من 7 أجزاء  ( 40-50 دقيقة لكل جزء)

و هي سلسلة مذهلة من الطرق الفريدة المتطورة مثلا Tsunami باش تزيد 6 نقط في الرياضيات و تزيد 7 نقط في الفيزياء و الكيمياء بحال عبد الفتاح، … باش تبدا تبغي الرياضيات و الفيزياء و الكيمياء … واخا دابا مكتحملش فيهو الشوفة…. باش تقلب المورال ديالك من ” مقلق و محاملش نراجع” الى ” ناشط و محَّمسْ و énergique” ف5 ديال الدقايق لا غير و بلا نتشرب Redbull … باش تحيد stress نهار الامتحان و تبعَّد عليك القلق و التوتر … و متصدقش ناسي العلاقات كولهوم بالدوخة…

+

Bonus 3 الهدية 3 : سلسلة “التوجيه السريع في 5 خطوات “ التي تتكون من 5 أجزاء ( 40-50 دقيقة لكل جزء)،

السلسلة الوحيــــدة في المغرب التي تعلمك كيف تجــد التوجيه الخاص بك أنت (ي)… اللي يوالم الرغبات ديالك و يتماشى مع القدرات الذاتية ديالك و يوفر ليك فنفس الوقت واحد Salaire مدخول محترم باش تعيش مرتاح…. كيفاش تحدد مستقبلك المهني المناسب … ما شي المستقبل ديال باك و لا ديال عمك المهندس و لا خالتك الطبيبة … لا المستقبل اللي يوالمك أنت (ي)… اللي كيتناسب معاك 100%… و كيفاش  تلقا آفاق جديدة فالتوجيه ديالك … باش تبدا تفكر فمدارس معمرهوم ما طاحوا على بالك … أبدا أبدا

 

العديد و العديد من المفاجآت ….

بغيتي تعارف التفاصيل ديال الطرق المتطورة للمراجعة … وحدة وحدة بالتفصيل … ادخل هنا 

 

دكتور بغيت نسولَّك على واحد الحاجة privé … كيفاش ندير ؟

أحسن طريقة باش تواصل معايا هي تدخل ف”منين نبدا … و تبدا تشوف الفيديوات و الطرق … و من بعد فاش تفهم كيفاش خدَّم système .. صيفت ليا ايميل و سوَّل

عمَّر سميتك و الايميل ديالك هنا :

2 تعليقان

  1. ana had al3am aula bac baghi naprepari besoin aide moi

  2. salam monsieur jamal smiti hamza 3andi 23ans chadit lbac f 2010 science physique b 13 odfa3t l fst dial marrakech walayni makantch kan dkhal hint bari lmath f semlallia walakine fwast l3am dial 2010_2011 dart ana wahd dari bac libre science physique dik lo9t mazal makanch had systeme jdid a raja3na lih jabt ana 3awd 13 3awad t9ayadt f samlalia sma daba l3am jay radi ykon lia l3am 6 tama c qui fait master mcha o ana brit ndir doctorat lah ijazik bal khir brit chi proposition chi aide lah irham lik lwalidine

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *