استعمل خاصية البحث في الصفحة لكي تجد السؤال و جوابه. هنا ستجد اجابة اكثر من 99% من اسئلة التلاميذ مثلك في الايميل او في فايسبوك. للأسف لا يمكنني الإجابة على أسئلتك واحدا واحدا. لكن كلما ظهر سوءال جديد، أجبت عنه هنا.
ملاحظة: انا اقرأ كل أسئلتك، لكن الله غالب لا يمكنني الإجابة على 80 سوءالا كل يوم
س: استاذ بغست نسولك دابا ينا دايرة باك ليبر فيزيك فرونسي علما انه عندي ف 2019 باك svt arabe و دابا كنقرا ف fst و معرفتش واش نكمل و فنفس لوقت نيقا نقرا لباك ليبر و لا نتفرغو غا هو حيت بغيت نجيبو بشي نقطة باش نقدر ندخل medcine
ج: ممكن تخدميهوم بجوج ايلا كتستعملي طرق مزيانة، بحال اللي كائنين فباب الباك https://baclibre.ma/pdvdrcthor/
لكن ايلا بغيتي توضعي جميع الفرص فجهتك، تفرغي 100% للباك الحر. علاش ؟ لان المنافسين ديالك متفرغين 100% للباك و ل Medecine
هوما كيخدموا 24 ساعة على الحلم ديالهوم : Medecine و إنتي كتخدمي 4 ديال السوايع على Medecine … فنظرك شكون اللي غادي يسبق؟!
س: selm dr, 3afak bghit nsewlk wch tatkhdem mwad ta3 eco 7it bghit ndir bac libre eco w l9it mchi mn ikhtisask wmfhmtch wch mtatkhdemhomch
ج: لا للأسف. شعبة الاقتصاد و التدبير ليست اختصاصي. لذلك لا اريد ان اعطيك نصيحة مغلوطة. انصحك بالبحث في يوتوب عن اساتذة يقدمون دروسا او دعما في شعبة économie. هم أفضل مني.
لكن ان أردت ان اتابع معك دراستك في الرياضيات، يمكنك التسجيل في باب الباك في مادة الرياضيات فقط (الثمن الان 700 درهم فقط للعام).
س: عندي باك 2019 علوم فيزيائية و بغيت ندير باك ليبر هذا العام علوم فيزيائية خيار فرنسية واش ممكن اعطيوني ديك الشعبة و لا لا و واش ممكن ندوز باك ليبر
ج: اذهب و اسأل في نيابة التعليم الموجودة في مدينتك. بعض النيابات وافقت و بعض النيابات رفضت السنة الفارطة. مكايناش شي حاجة عامة على صعيد المغرب. اييييه التصطية هادي… لكن هادشي اللي كاين.
سير و سول على راسك. أنا درت فيديو على الموضوع بالتفصيل هنا https://baclibre.ma/v16427s5149/
لكن أنت خاصك لابد لابد تمشي تتأكد برجليك.
س: سلام أستاذ الكريم، أتقدم بخالص الشكر والتقدير على مجهودكم؛ سؤالي فقط حول وضعية شاب في مقتبل العمر، يرغب في ترشيح، لكن لم تتح له فرص الوصول إلى ثالثة إعدادي، لذلك أود توضيح حول ما إذا كان بإمكانه الترشح أم لا؟ وهل لديه إمكانية أو فرصة؟ وشكرا
ج: في هذه الحالة يجب أن تترشح لامتحان الثالثة أحرار أولا. و تجتازه بنجاح. ثم تنتظر سنتين ثم تجتاز الباك أحرار.
س: allh ikhalik bghit nssawal 3la les ecoles dingenierie li ma3ndhom des condition 3la l’age
ج: المدارس الي أنا متأكد أنهم معندهومش حد فالعمر هي ENSA, ENCG, Faculté de Medecine, ENSAM
هادشي اللي فراسي. شي واحدة أخرى؟ سير سول في المدرسة في service scolarité
س: السلام عليكم عافاك نسولك انا عندي باك 2014 علوم فزيائية و بغيت ندفع باك ليبر هاد العام واش يمكلي ندفع علوم فزيائية تخصص فرنسية اولا كاتحسب نفس المسلك
ج: لا. كتحسب مسلك آخر. ادفع و توكل على الله. لكن، اذهب و اسأل في نيابة التعليم الموجودة في مدينتك. بعض النيابات وافقت و بعض النيابات رفضت السنة الفارطة. مكايناش شي حاجة عامة على صعيد المغرب. اييييه التصطية هادي… لكن هادشي اللي كاين.
س: أستاذ أنا خرجت من السنة الثالثة اعدادي الكاترييم، واش يمكلي ندفع للباك حر
ج: على حسب … إذا كنت قرأت شهر أو شهرين أو مدة قصيرة، فإن الطلب سيرفض، بل قد لا تعطيك المدرسة الاعدادية شهادة مدرسية من الاصل (لابد من هذه الشهادة المدرسية في ملف ترشيحك للباك الحر).
أما إذا كنت قد تابعت دراستك في الدورة الاولى و في الدورة الثانية في الثالثة اعدادي، فليس هناك مشكل. حتى إذا كنت لم تنجح في امتحان الثالثة اعدادي، سوف يقبل ترشيحك للباك الحر.
س: bac libre wax ymklik d3awd fnafs axe3ba matalan ana 3ndi bac agrocailteur wax ymkli ndir a5er svt wla n3awd f agro
ج: على حسب معلوماتي نعم. يمكنك أيضا السؤال في الاكاديمية في مدينتك.
س: السلام عليكم ورحمة الله وبركاته سي جمال أنا عبدالإله من أكادير بغيت نسولك أنا عندي باك علوم فيزيائية واش إمكن ندفع لباك حر فنفس الشعبة و شكرا
ج: لا للاسف لا يمكن. يجب تغيير الشعبة الى باك علوم رياضية، علوم تقنية، علوم اقتصادية، أداب…
س: Slm ana ma 3amri 9rit bghit nad fa3 back libr chno khasni ‘dir
ج: في هذه الحالة يجب أن تدفع لامتحان السادس ابتدائي أحرار أولا، ثم تتجاوزه بنجاح، ثم تنتظر سنتين، ثم تترشح لامتحان الثالثة أحرار. و تجتازه بنجاح. ثم تنتظر سنتين ثم تجتاز الباك أحرار.
لا تيأس ! شخصيا أعرف أكثر من شخص قام بهذا المسار بنجاح، و شعر بفخر و نجاح لا يمكن أن تتصوره.
س: Slm3afak Wach bac libre m9boul F les ecole
ج: مقبول في عدد من المدارس العليا
المدارس الي أنا متأكد أنهم معندهومش حد فالعمر هي ENSA, ENCG, Faculté de Medecine, ENSAM
هادشي اللي فراسي. شي واحدة أخرى؟ سير سول في المدرسة في service scolarité
لكنه مرفوض في عدد من المدارس العليا أيضا مثل classes préparatoires أو المدارس العسكرية…
اختر أنت مدرسة زوينة مقبول فيها الباك الحر و توكل على الله!
شيء آخر: الباك الحر مقبول بطبيعة الحال في كل الدول الاخرى التي لها معاهدات مع المغرب … فرنسا المانيا إسبانيا إيطاليا… أمريكا كندا ….
اذا كان سوءالك ليس موجودا، او هو سؤال معقد، فافضل طريقة لكي يجيبك الدكتور، هو ان تملأ معلوماتك أسفله و تدخل الى سلسلة منين نبدا المجانية. الدكتور جمال يجيب على العديد من أسئلة تلاميذ منين نبدا المهمة في الايميل اليومي الذي يرسله كل يوم.