التناقضات الداخلية

التناقضات الداخلية:

درتي جميع les exercices

العديان … الميدالية … كتبتي الاهداف ديالك

كتقرا كتب التنمية البشرية، كتشوف فيديوات تحفيزية

و لكن مكايناش نتيجة؟؟
.
.

بحال الطنوبيل عامرة بالايصانص…
كتكسيري مزيان و لكن مكتحركش
.
كتخرج تطل… الموتور خدام الطريق مزيانة
و أنت (ي) كتعرف تصوك
.
.

لكن ماحد frein à main à fond

مزير

و الفرانات مشدودين
no no no
.
.

فالسطح كيبان ليك درتي جميع الطرق
و لكن كاينة مرساة ancre
ثقيلة لاسقة فرجليكو شداك

بحال اشنو دكتور؟
.
.

كتدوز حداك مرسيديس WW
و كتطل على مولاها

باش كتحس؟
.
.

الفرحة؟ كتدعي معاه الله يزيدو

أولا الفقسة؟ الله ينعل …
غير شفار ديال الخلا ؟…
.

عمرك رديتي البال؟؟
.

أنت (ي) بغيتي Jaguar و
و فنفس الوقت مكتحملش مول Jaguar
.

أنتي بغيتي Medecine
و فنفس الوقت كتكولي الاطباء كولهوم جزارة مكيرحموش
.

أنت بغيتي تكون رئيس شركة

و فنفس الوقت كتسميه “كروش الحرام”و profiteur

.
.

انت بغيتي تجيب 19/20 فالماط

و فنفس الوقت كتسمي الاول فالقسم معقد، عنيبة و دمدومة…
.
.

كيفاش بغيتي عقلك يوصلك؟ لشي حاجة أنت كتسميها

دمدومة، كروش الحرام، الجزارة… شفار ب complet

.
.
.

Never Ever

مغادي يوصلك لتما…

ولا في الاحلام

.
العقل الباطن (الفيل) باغي يوصلك للزوينات

لداكشي اللي كتحتارمو و كتقدروا

.
ماشي للناقصات اللي كتحتقرها

.
.

كيفاش تدير تفلت من هاد piège

الخطير جدا جدا …
.
.

علاش خطيييير؟؟

لأنه انت (ي) أصلا محاسش بيه…
و كيبان ليك عادي

ناس دوزو 80 عام و معمرهوم ردوا البال ليها
يقدر فالعائلة عندك ناس واحلين فهاد التناقضات الداخلية
.
.

Very Bad Mindset!

.
.

bon continuons…

هاشنو خاصك تدير

1- حط الاهداف ديالك كتبها قدامك

2- كتب قدامها جميع الهضرة اللي كتسمع على الناس اللي وصلوا لهاد الاهداف

جميع الهضرة السلبية اللي كتدور فراسك

.
.

كتبها. متكولش ليا راني فهمت فين غادي أأستاذ.

لا مفهمتي تا لعبة.

كتبها هي كتبها.

بستيلوو فورقة.

.
.

شوف مكاينش اللي خرج عليك قد الزربة و العجز
فتمارين بسيطة بحال هادي.

ماشي حينت بسيط منديروش.
.
.

no man. no girl.

it doesn’t work like this.
.
.

كتبتها؟؟ مزيان.

أه دابا أنت كتقرا هاد البوست
ok
و لكن غير تساليه
كتبها. غادي تشكرني من بعد.

.
.

3- حط الورقة فبزطامك. خليها عندك

15 يوم وانت (ي) راد البال

أشنو تيدور فراسك على الناس اللي حققوا الاهداف ديالك
.
أشنو كتعاود عليهوم الوالدة؟
.
.

أشنو تيكولوا عليهوم فالعائلة؟ عمتك ولد خالك ففرنسا…

كيفاش صحابك تيبقاو يقشبو عليهوم؟

كتب. كتب. كتب.

قيد فالورقة.

.
.

فآخر 15 يوم غادي تفاجأ بكمية السلبية

اللي غادي تلقا فديك الورقة

مرة مرة غادي تكتب شي ملاحظة ايجابية و لكن الاغلبية

للاسف…

ناقصين … مشرشمين مافباباهوم ميتشاف
.
.

متحبسش.

.
.
.

4- كمل شهر كامل هاد التمرين

هادي هي étape الاولى

Identification ديال التناقضات الداخلية

لقيتي دابا frein à main المزير

.
.

نشوفوها فميساج اخر ال étape الثانية

.
.

صور الورقة ديالك و صيفتها ليا فايميل
اينا ايميل؟ علاه انت (ي) باقي متسجلتيش بمنين نبدا؟؟
.
.
ايوا اشنو كتسنى ؟ نهار يتعلقو النتائج؟
سير دابا و تسجل فيه هنا
https://baclibre.ma/menine-nebda/

و بعد ما تسالي التمرين
صور الورقة ديالك و صيفتها ليا فايميل
.
.

و نصيفت ليك الجزء الثاني
فالايميل ديالك…

كيفاش تحيد frein à main

بالتوفيق

الدكتور المغاري

متخليش هاد الهضرة عندك.
راك كتعارف صاحبك أولا صاحبتك اللي واااااحلة
فهاد التناقضات الداخلية
.
.

وصل ليها الميساج و طاغيها دابا.

.
ماشي تناقض داخلي أنك بغيتي اللي يعاونك و يبارتجي معاك طرق جداد
و انت (ي) متبارتاجيهومش مع ناس أخرين؟؟
تناقض ياك؟

See you soon

ملاحظة: بغيتي تستافد من هاد الشهر اللي بقا باش تجيب الوطني
بنقطة مزيانة؟؟ ….كيفما كان المستوى ديالك ….
دخل هنا: https://baclibre.ma/pdvdrct/