تعفن الافكار؟
النجاح فالباك فكرة
دخول ENCG فكرة
هذه الفكرة كائن حي…. يولد يصبح شابا… يشيخ ثم يموت
هذا الكائن يحتاج الى أكسجين
….
أشنو الاكسجين ديالو؟
الحرية
الحرية
الحرية
بدون حرية تعطيها لأفكارك سوف تموت فورا هذه الكائنات الضعيفة
..
..
Attention
الحرية علاش كنتكلموا …ماشي حرية كيعطيها المجتمع
أولا حرية كيعطيوها الوالدين
أو حرية كيعطيوها النقط ديالك فالماط
لا لا لا
(اصلا انت انتي لا تستطيع الحكم على نفسك)
..
..
هذه حرية تعطيها أنت / أنتي فقط لنفسك
كتكول لهاد الفكرة … لهاد الكائن الحي…
خوذ هاد البلاصة فدماغي
Réservé pour toi
اجلس و خود راحتك
..
..
ف 2005 تدارت دراسة علمية لقات أن كل واحد فينا
كيدوزو فدماغو بين 12000 و 60000 فكرة
المشكلة أن 80 فالمائة منهوم أفكار سلبية
و أن 95 فالمائة ديال دوك الافكار كيتعاودو
بحال شي سنسلة ديال الرويدة كتبقى كتدور…
..
لذلك هاد الافكار المهمة لينا خاصها الاكسجين
خاصها الحرية أولا
و لكن مغاديش تعيش غير بالاكسجين بوحدو
خاصها أيضا التغذية
…
واخا دكتور و دابا كيفاش نغديو فكرة ؟
كتغدي الفكرة بمعلومات قريبة ليها
كيفما مغاديش نغديو الطونوبيلة بزعزع أولا بانشي
لا هاديك خاصها essence o Gasoil
اذن كيفاش؟
..
..
– كتقرا واحد article على النجاح….
اذن كتغدي كائن النجاح عندك
– كتقرا واحد البوست على التوجيه… كتغدي فكرة التوجيه الجيد عندك
– كتحضر محاظرة… كتشوف فيديو محفز؟
alors
كتكبر الفكرة… كيبدا يصحاح الكائن الحي داخلك
..
و بالمناسبة… واحد الشهية عندو …متصورهاش
يقدر ياكل ليل و نهار…
فالصباح و فالعشية
بدون توقف
Bill Gate مؤسس Microsoft
و أغنى واحد ف 2017 ب 86 مليار ديال الدولار
بــــــــــاقي تيغدي الافكار ديالو… تصور؟؟
..
..
كل 3 شهور تيدير واحد الفيديو كيقترح فيها 10 كتب جداد
من أفضل ما قرا و عجبوا
( فهاد النيفو … كتاب واحد فالصيمانة أقل ما يمكن)
..
الكائن خاصو يتغدا!!!!
و هنا كتبدا توقع واحد المعجزة….
..
..
كلما كبرت الفكرة كلما بدات تتأثر على الافكار الاخرى اللي حداها!!!
و كلما الكائن بدا تيجر عندك أصحابو…
شكون؟ ناس آخرين تيأمنوا بنفس الفكرة
هاد الكائنات الحية عزيز عليها تتجمع بيناتها…
يهضروا بيناتهوم و يناقشوا و يتعاونو…
…
…
لأنه فجأة جوج ديال الكائنات كيولدو لينا كائنات أخرى صغيييرة
أفكار بسيطة كتشبه لباها و أمها
و هكذا تمر حياة الناجحين شوف أمثلة هنا
زيادة كل نهار..
…
..
لكن المصيبة الكبيرة.. و المأساة
–> عند بعض الناس ، داك الكائن كيجوعوه
كيقطعوا عليه الماكلة
كيقطعوا عليه الماء
..
تيكول ليك بغيت ندير Medecine
فأول العام ثم كينساها
فكيبدا يضعاف الكائن
كيمرض ….
كيتعفن …ثم كيموت
…
طبيعي أن بعض الافكار تموت مرة مرة…
و تبدلها بأفكار أفضل و أكبر و أجمل
و لكن رد البال من دوك الافكار العزيزة عليك
عطيهوم أكسجين الحرية
غديهوم بمعلومات أكثر
اشنو الافكار اللي بغيتي تغديهوم ف 2018؟
فالوقت اللي بقا للوطني؟
و كيفاش كتغديهوم انت/ أنتي ؟
بارتجي مع شي صاحبك (تك) وقع فهاد المشكل … و خاصو تذكير؟
بالتوفيق
https://baclibre.ma/menine-nebda/
P.S. موقع باك ليبر كان فكرة فقط ف 2007
كائن ضعيف … و لكن وكلتو و غديتو 2008
ف2009
عاد قدر يهز رجليه و يتشجع و يخرج للعالم فأكتوبر 2010
