بعد 3 سنوات من ال design
القديم … درتو ف 2012 … يمكن غمال شي شوية ؟
ياك ؟
بغيت نبدلو شحال هادي
و لكن الوقت محسوب .. كيبان ما هو أهم و كندوز
عاد وصلو الاجل …
4 ديال الاسباب و المميزات .
– هادا Design responsive
زعما كيبان مزيان فتابليت و سمارتفون
يعني غادي تدور فالسيت على راحتك
بلا متبقى كتقرقش عينك … فيناهو البوتون
و الدرس اللي من بعدو …
– ترجمت السيت و القائمة ديال الدروس بالعربية
باقي شي لعيبات و لكن واحدة واحدة
عاودت كتبت شي فيديوات بالعربية
للي عندو مع القراية بالزربة
– استعملنا اللون الابيض و الاحمر
ليبقى المظهر العام متناسق… كلاس و minimaliste
مكيديرونجيش العين و التركيز
و احتفظت ببلاصة ديال الMenu
باش متلفش و يتبدل عليك كولشي
– ديما كانو تلامذ كيتشكاو من Menu بالفرنسية
بعد المرات مكنفهمش أوستاذ…
مشي كولشي عندو مع لغة مولييير
–> هاد التغيير جوابي ليكوم
– و من جهة أخرى غادي يسهل عليا حتى أنا نكتب ليك بالعربية
مرة مرة فالسيت أفكار كتجي بالزربة
– الانفتاح على اللغات الاخرى .. الانجليزية و الفرنسية
مكيعنيش نفرطو فلغتنا و ثقافتنا
كنبغيو المريكان و فرنسا و اليابان و كنستافدو منهوم و نشكروهوم
و لكن اللي كيحتقر لغتو …
عمرو متطلعو لغات الناس
الدكتور المهدي المنجرة الله يرحمو كان على حق
اذن ديما عربية ديما دارجة ديما اونجلي و ديما فغونسي
ملاحظة : واحد الشركات مصدعيني على الاشهار
فالسيت و فالفيديوات يوتوب
حتى لدابا عاطيهوم النخال
تلامذي هنا باش يراجعو و يتبعوا
ماشي باش يفقدو التركيز
–> مبغيتيش الاشهار اللي فيوتوب دخل للسيت باكليبر.ما
و راجع tranquille
الدكتور جمال المغاري
