قصص نجاح من المغرب العميق🏔☀️

هذه نصيحتي لكيجب أن يكون لك ثلاث هوايات

هواية تجعلك ثريا

هواية تجعلك في صحة جيدة

و هواية تطور قوة ابداعك

مجهول

منذ ايام كلمتك على نسبة النجاح الكبيرة

التي وجدها العلماء عند المنحدرين /المنحدرات من قرى صغيرة

أو مدن نائية …

و طلبت منك قصصكم حول من تعرفون

و فعلا اجابني العديد منكم بقصص مذهلة

حشومة ان تضيع بدون ان تعرفها و نتركها للتاريخ

اليك بعضها

—-

نعم حقيقة جبال وارزازات مليئة بالكنوز البشرية  ،

إضافة الى مدينة زاگورة لدية شخص من عائلتي 

انطلق من العتبة تحت الفقر وقاوم الظروف 

ودرس اللغة الفرنسية 

ولكن لم يساعده الحظ في ان يتم دراسته  ،

ولكنه لم يستسلم

قاوم واجتهد بمعنى الكلمة 

و بدأ يعمل في مجال المقاولات

وهو الأن  اصبح رجل أعمال في السياحة بالمغرب 

وشركته كل عام تأتي في المرتبة الخامسة ، 

ولديه بنك في تصريف الأورو بمراكش….

—-

من قريتي يوجد احدهم يسمى شمس الدين الشطيبي و هو لاعب كرة قدم لعب في الرجاء البيضاوي في كأس العالم للأندية . 

——

و قصة مؤثرة لاحدى تلميذاتي في باب الباك

… لنسمها عائشة

سلام دكتور كيف حالك.

بالنسبة للشخصيات التاريخية اعرف ابن سليمان الروداني فقط.

وكذلك بابا الله يرحمو.

وخا معرفوش التاريخ ولكن الناس ديال الدواوير والقرى والجبال المغربية عارفينو 

وانا خصوصا عارفة قصة الكفاح ديالو وهادشي علاش هو القدوة ديالي.

قرا حتى للسيزيام وخرج من القراية حيث كيقول واش غنقرا باش نتوضف فبلاش.

هادشي واقع فالستينات.

ومن بعد خدم مع الاب ديالو ف فيرما وتزوج ماما وولدت 2 اولاد 

وكانت جدتي امراة قاسحة هي لكتاخد فلوسو وكتعطيه غير فلوس الحمام

 لكان كيشري بهم المسكة و بيمو لماما.

نهار بعد نهار 

انتافض ورفض الوضعية ديالو وخلا الخدمة مع باه 

ومشى خدم مع واحد شركة ديال الكهرباء كان كيسوق كاميوسيفور كيده الماتريال من هنا الى هنا

وكانت علاقتو زوينة مع التقنيين لذلك كيخليوه يشوفهم فاش كيركبو الماكينات ديال الضو.

واحد النهار مشا يدي سلعة لواحد الشركة بعيدة على المنطقة ولقاهم خسرو لهم المحولات الكبار transformateurs 

وخاصهم ليصاوبهم 

وهو اقتارح راسو وقاليهم كنعرف وخا هو كان غير كيشوف بعينو وبالفعل صاوبهم لهم.

عجبوهم و خداه الباطرون 

وعينو صاحب الشركة رئيس للعمال وكان غيزوجو لبنتو ولكن رفض حيث كان مزوج.

فديك الفترة دا معاه ولاد المنطقة وخدمهم وعلمهم الحرفة لدرجة شحال من واحد كيرحم عليه 

وكيقول لو مكان هو كانو غير كيدمرو فالفيرمات.

الشركة كانت كتعامل مع شركة كندية وكان المدير ديالها لصق بابا باش يديه لكندا 

ولكن جدي رفض لدرجة بابا اختفى مبقاش ميجي للدار 

حتى مشا السيد وكنعقل جا لدارنا وكان كيبكي وقالينا خوا بيا حسن . 

الشركة المغربية دارت فاييت وحيث بابا عزيز عليهم عطاوه واحد المقدار من المال.

بابا الله يرحمو شاف شحال ديال الخدامة ولاد البلاد غيضيعو وهو يبيع دار هنا فاكادير وبعض الاراضي 

ودار شركة ديال الضوء خدمهم 

و كان كيقولوليا  كنكون ناعس حتى كيجيني بريكول للدار ونطلع نهاري.

فاش مات جاو ناس كثار للعزاء معرفناهمش وكيقولو عمر خيرو ننساوه كان كيدخل الضوء للقرى 

وخا ميخلصوهش كان كيقول ONE يطلقو لهم الضوء.

وشحال ديال المساكين مشد منهم والو .

رحلة كفاح 

قالينا اول خلصة من بعد ماخرج من عند جدي كانت هي 5 دريال.

اول واحد فالبلاد دار طموموبيل 

واول واحد دار شركة 

ومن بعد دار فيرمة ديالو 

اول واحد كيقري ولادو فمدارس الفلوس من بعد الباك.

لو ماجمع الفلوس مكان قدر يدير عملية القلب المفتوح .

جدتي هو لكان كيتكلف بالعمليات ديالها حيث عمامي مقدروش 

وخا واحد فيهم كان استاذ وكان كيقوليه بابا  التوظيف كيحكم عليك بالحبس ديال واحد الصالير .

طولت ولكن الله يرحمو كان روعة كفاح صبر حكمة عقلانية اصرار

 وهادشي كامل والتواضع.

===

و السؤال الذي يدمي القلب دائما

لماذا لا تجد روبورتاجا في الدوزيم عن مثل هؤلاء؟

عن أب عائشة؟ 

و صديق خليل؟ 

و رجل الأعمال في السياحة؟

لنستلهم منهم النبوغ المغربي القح

هؤلاء هم ابطالنا الحقيقيون

هؤلاء الذين يستحقون أوسمة ملكية 

و شرف المجتمع

لا يوجد مستحيل 

داءما هناك من غلب المستحيل

و داءما تجد مثل هؤلاء القدوات 

يفتحون الطريق لمن و اءهم

انهم مثل حاملي الشعلة في الالعاب الأولمبية

اسود و وراءهم  اشبال تنمو

اقولها و اعيدها 

الباك تحد من تحديات كثيرة في طريقك

قد يبدو الان أكبر و اعظم تحد

و قد ينفخ الباك عليك في جسمه مثل قط مشاغب في معركة قطط

لكن حجمه الحقيقي معروف

و مدروس 

و بالخصوص لمن تابع عشرين باك حتى الان!

لا تخبىء قصص النجاح عندك

اقتسمها 

شاركها 

و تذكر دائما!

عندما تشعل شمعة، شمعة أخرى، 

لا تنطفيء الأولى، لكن ينقص الظلام!

بالتوفيق

======

للمترشحين الاحرار  او التلاميذ المتمدرسين

الذين يحضرون الباك 

بالعربية أو 2024 BIOF

لا تبق عالقا في مشاكل مراجعتك!

هذه دورة باب الباك لتحقق 19/20 في الرياضيات و الفيزياء 

مهما كان مستواك السابق و مهما نسيت الدروس و الخصاءص

بأذكى طرق متوفرة و أقل جهد ممكن

baclibre.ma/pdvdrct/

الدكتور جمال المغاري

 


About the author

Jamal Doc. Lamghari

Leave a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.