لينا أو الباك PC ب 18,28 باستحقاق
ALORS ! had l’annee vraiment kanet exceptionnelle wlah dazet zwina bzaf wakha kano bzaf dyal so3abat f chi aw9at
mais blfadl lah o fadel dyalek a oustad o advices dyal mes parents 9dert ntghleb 3lihum hamdolilaaah huwa sara7a lbac mafichi chi haja li s3ibaa bzf wlah khass ghir t3ref kifach tgerer le stress dyalek
o 7ta le temps chi haja li mohima bzf aussi la motivation bach t9ra o twde3 lhadaf dyalek 9dam 3inik mn nhar lwel fach t7et rjlik f lycee f l’annee dyal bac
o ghaykon ghir lkhir inchaellah lkola wahed vraiment fra7ana bzf o ana daba kanwjed les concours dyal les ecoles et je souhaite bonne chance pour tous ,
kanchrkrek bzf a docteur wlah ch7al nf3oni dok les videos dyal les exos o khososan dok s3ab fihum o la methode tsunami o l3dyan ….. vraiment c super o kan a7hassan 3am dwzt l7ed l2an and the best is way to come inchaellah !!!!
HARD WORK PAYS OFF !!
MERCII infiniment Docteur ! THANK YOU SOO MUCH !
زياد: جبت 17,16!!
Les notes du national ( Fillière PC kan9ra fecole publique wkandir les cours du soir btabi3t l7al)
Math : 17.5
Pc : 18
Philo : 14
Svt : 16.25
Ang : 18.5
L3am daz 3ndi chwya morhi9 m3a katji men lmdrassa m3a 6 khasek tkhchi fwjhek wt3awd thez chkara wtmchi tani les cours bach tkhdem dik sa3tayn
wtanrj3 tani ldar tal dik 9.30 dlil wnt3cha wnhez tani nkhdem chi swi3a wnhez lpc n9eser chwya rainbow six siege m3a drari li kanmotiviw b3dyatna ( ana gamer ) wknt kansher tal dik 2 wnfi9 tani wakha makntch kan3es mzian mais weleft hadchi fdwra lwla kant lkhdma mrkhofa y3ni kankhdem dakchi li kandiro mais makkanforcich bzaf wkanjib fno9at f lmora9aba mzian wjbt fdwra lwla 15.79 ,
mais mli bdat dwra tania 7sit bli khass ndobli jehd b9it flbdya bnfs system l9dim 7ta wslat hadik l3otla dial 2 semaines wana nzyer wkhdemt dakchi li kna bdinah kaml hzit kankhdem tamarin dial national dial doros li drna flclasse l7ed
dik sa3a surtout lmath khdemt bzaf dial les exercices mli khdemt bzaf wlat kantjini fihom wa7ed namatia wla stylo mn be3d kaykteb rasso y3ni tprogrammit 3la la methode kifach kaytkhedmo w7ta lphysique khdemt les exercices dial des nationales.
mohim mli salat dik l3otla 7sit brassi chbe3t khdma dial nit ou 7sit bra7a surtt que knt kanchof ba9i 2 mois wana dabet dakchili waslin lih l7ed lan
salat l3otla bdat l9raya wlit kandkhol l9isem kan7awl ntconcentra mzian wkankhdem fdar w fles cours en parallele mli salina lforod fmdrassa wsalina kolchi bda rmdan wba9a chher lnational drt program m3a rassi khasek tzayer smta a7amid 7yedt les games mn pc wdrt wa7d lcoin fdar anprepari fih chher li b9at wknt kanfi9 m3a 10 dsba7 kan7fed lflsafa knt dik sa3a ba9i mabdithach ga3 chad gha tchach
w7ta lostad li kan kay9rina fmdrassa laysm7 lih makan khadem m3ana walo mchit chrit ktab dial molkhasat 3nd mol mktaba rkzt 3la mjzo2a w7da (lwad3 lbachari) kan7fed men 10 à 12h li 9sem lah mra ness dars mra maw9if wa7d mra joj wsafi kanhez moraha ya ima pc wla math les nationales khdemt mn 2008 l 2018 rkezt 3la pc wmath bzaf 7it ana Option pc coefficient dialhom 7/7
wb9it ghadi bhad rhytm chher kamlo t9riban ghadi kan7fed philo wkankhdem en parrallele 7ta kmelt lphylo fl7fada wkmlt les nationales flkhdma (pc-math) , mli 9rb l3id b9at dik 13 jours t9riban rkzt fiha ghi 3la lmnhajiat dial philo kan7et gdami chi mnhajia wkankhdem 3liha w svt hzit kankhdem les nationales men 2015-2018
b9it ghadi b7al haka mli 9reb lwatani wana matalch 3la english ga3 7it deja les nationales dialha are just like a gift dkhelt lyoutube rkezt 3la doross dial language li fiha chi rules wkda khsek tkon 3arfhom wdabthom khsemt les nationales kamlin .
men ba3d ja nhar 9bl lwatani whia tbda dkhlni lkhl3a wdak lwaswas mais 7awlt ntgheleb 3lihom daz nhar lewel mzian nhar tani kan lmath dehchrni lwe9t chwya wtlft kent njib fiha kter mn dik la note dy3t fiha no9at bêtement mais lhamdoulilah , sf whada makan wchokran 3la les videos dial orientation dialk rah fadouna bzaf et merci !
thanks sir jebt 17.16 flmo3adal dlwatani wdaba mdarbin m3a lpreparation dconcours xD
إسماعيل: 18,26 في الوطني
Saraaaha a ousaaaad ana kanchkreeek kunt dak tlmiiiid lmzzzn wlayni ay waheed kaybghiii yzid chtarekt fchher 3 tbe3t durus liknt na9s fihuuum whta jdad twert rassi mzzzn wstafedt mn les bonus dyaaaal bssh
daz 3am twil mti7anat shiir kulchi wlyni wa3er dyaal bsssh mais malheureusement araft 9bl btlata dsimant ala lbac b3d madert opperation ana andiii cancer
saraha tfajaet wlyni knt positive hadchi ma2taaarch ala la courbe dyali dlkhdma libdaaat mn lwl dl3am whmdl kmlt lkhdma wtwef9t
jebt 20 f physique w19.75 fmath hamdulilaaah jatni 18.26 fwatani saraha freht bzzzzf wfreht malin dar db rani kanwjed les concours wau même temps hanbda les seance dyaaal chimiothérapie s
ooo merci bcccp ala mjhuuuum lidertiii m3ana wbyby ntmna ntla9aw
wtl9ani wslt wtchafiiit nchaelaah
ربي يشافي إسماعيل. دعواتك صديقي الزائر له بالشفاء العاجل.
19 في الرياضيات من بعد جهوي ب 12
جهوي ب12
ماط ب19
فيزياء 16.5
وطني 16
فالاول انا كنتمي لاسرة متوسطة فيها الاب هو المسؤول عن كل المتطلبات . وقصتي مع الباك انني كنت باغي انجيبو بmontion منين كنت صغير هدشي علاش كنت من بدايتي للقراية كنت دائما مجد
وعندي قاعدة مهمة”لكل مقام مقال”
وبالتالي كنت كنخلي الضحك والعب برا وكندخل للقسم باغي غينقرا. لمهم فعامي ديال سيزيام حتى هو كنت خدمت فيه في امل نجيب شينقطة ممتازة ولكن جبت نقطة متوسطة. جاني الاحباط والحكرة فلول لكن فكرت بعقلي واحمدت الله .
وغلت بلي النقطة ديلي مزال يمكلي نتحكم فيها وبالتالي العام دلباك خدمت واخا كانو شعقبات جبت نقط مزيانة فالمراقبة ولكن عنيا كانو فالوطني هدشي علاش رمضان كنت كنصلي لعشا وشي ركعات دتراويح وكنمشي نخدم. و الحقيقة ان كل ما خدمتو من اللول ديال العام نفعني .
المهم يوم قبل الوطني فقت عادي لكن جاتني الرعدة فالاول كنت كنضنها من الخلعة مي كانت السخانا . نهار وانا ناعس ويوم الوطني دوزت اول مادة الفيزياء اللي عندها معامل كبير وانا مزال متاثر بالمرض لكن خدمت مزيان دوزت الوطني بقاعدة “اللي فات مات”اي مادة كندوزها مكنسولش عليها
.في الخير منين شفت النقطة ديالي فرحت . فالاخير بغيت نقول لاي واحد الطريق ماكاتكونش دائما مفرشة بالورد غتلقى العقبات ولكن انت خاصك تواجهها بعقلك واهم حاجة هي متخلاش على الصلاة لانها افضل عاجل نفسي كديرو 5مرات في اليوم على الاقل.
هاجر: باك حر حلفت بدون نقيل
السلام عليكم
الحمد لله ديت الباك واخا ماشي بالنتائج اللي كنت باغا و خدمت عليها
الظروف د الامتحان كانت تقريبا فالقاعة اللي دوزت فيها شبه جماعية مع اصحاب البريفي كانوا كتار
لكن عاهدت راسي باش مانقلش و الحمد لله وفيت بوعدي
كنت فالامتحان كانركز على justification بالأخص فاش كاتكون مطلوبة
دوزت مزيان و كنت عوالة على 18 أو 17 فالمط زدقت ف 14
قلت فيها خير و حمدت الله
مع متمنياتي للجميع بمستقبل واعر واعر كيف كايتمنى انشاء الله
شيماء: انقطعت عن الدراسة مدة 27 سنة
السلام عليكم استاذي انا ربة بيت عمري 45 سنة انقطعت عن الدراسة مدة 27 سنة لظروف عائلية وتزوجت وولدت بنية وكبرات وخدات الباك وكملت قرايتها وتزوجات الحمد لله
وكنقول فين انا من هادشي شنو نجزت فحياتي دائما عندي رغبة باش نكمل قرايتي ودفعت بزاف لمرات لباك ومكتيسرش ليا الظروف نمشي نهار الامتحان
وفي2016 وقع نفس المشكل ولكن كانت الكارثة بالنسبة ليا وهي اني تحرمت من البكالوريا حسب المدكرة الوزارية وظنيت انو معمري نحقق حلمي حتى شفت الفيديو ديالك استاذي تتكلم على البكالوريا والمعاهد والسن المسموح وسولتك وقلتي لي يمكن ندفع لباك لاني تحرمت غي مدة معينة
ودفعت والحمد لله جاتني الدعوة باش ندوز الامتحان وفرحت بزاف وانا الان نجحت بمعدل 13،26 وختا مراضياش عليه لاني حسيت اني كان ممكن نجيب كتر
ولكن الحمد لله اني حققت حلمي وفرحت بزاف ودعيت معاك استاذي وانا الان كنواجه واحد المشكل لي هو اختيار الشعبة المناسبة من بعد البكالوريا ومدينة اسفي فيها غي ملحقة لجامعة القاضي عياض ولكن معندناش هنا وظروفي مكتسمحليش نستقر فشي مدينة اخرى
وغم هادشي حلمي مغنتخلاش عليه لبكالوريا مفتاح ولي جاي بيبان الامل والخير كتيرة ومغنتخلاش على حلمي رغم العراقيل والظروف وشكرا بزاف
شاركت حكايتي باش نشكرك اولا لاني نجحت بفضلك وكذلك بغيت نتقاسم معاكم فرحتي ونشجع حتى الناس لي بحال يقراو
إسماعيل 19,75 في الرياضيات
Ana maghan3tikch 9issa 7it makan3rfch n3awd Ms ghan9ssam m3ak lfr7a ongolik ch7al jabt ochokran bzzaf 3la nassa2i7 dyawlkom
عبد العالي : الفيزياء ب 18,25
سلام أستاذ جمال
أنا داير شعبة علوم فيزيائية
نقط الوطني :
الفيزيك : 18,25
الماط : 16
نبدا القصة ديالي مع الدراسة من داك العام ( السيزيام ) كنت كرهت القراية و ما كنتش كا نقرا نهائيا كا نحضر للحصص و لكن بحال إلى ماكاينش و العام كاامل ماعمرني قست شي كتاب فالدار
النتيجة : نجحت غير بفضل المواد الأدبية و السبور ( المواد العلمية كاملين تحت المعدل و حتا ديك النقطة لي جايب فيهو ماشي ديالي غير كانو كايوريوني )
من بعد دوزت الجهوي جبت فيه 12
جا الصيف نسيت كولشي أصلا ما كنتش مسوق القراية و ما دايرهاش فراسي
دوزت صيف واعر بزاف و عااامر بالتجارب الجداد
وصلات وقيت القراية ماعقلتش أش وقع بالضبط والاكن عاقل واحد النهار واحد الدري قال ليا بينما إلا مشيت بالريتم لي كنت غادي فيه فالسيزيام راه 100٪ غادي نسقط ( نفس الشخص لي وراني baclibre )
من بعد ولا الإهتمام ديالي بالقراية كايزيد بشوي بشوي
بديت كا نخدم فالدار و اكتشفت أنه عندي مشكل كبيييييير حيث أنه ماكانتش عندي لاباز فالماط و الفيزيك ( ماكانعرفش أشناهو مجال تعريف دالة أو حل معادلة من أي درجة أما الفيزيك كتر ) يعني النيفو ديالي فهاد جوج مواد بالضبط كان اكفس من واحد كايقرا فالكاطريام
الفروض البولين كانو نقطهم خايبين 6 فالماط و 7 فالفيزيك ولكن راه كانت بالنسبة ليا شي حاجة معا جبتهو بوحدي و بمجهودي
و من بعد كولا فرض كانو النقط كايتزادو و وليت كانستمتع بالقراية
حتا وصلت لآخر 4 الفروض فالدورة التانية لي كانو نقطهم :
الماط 19 – 19.5
الفيزيك : 19.25 – 17
كانحس أنه وقع واحد التغيير كبير فالعقلية تاعي
فالحقيقة مازال ما كايهمنيش الباك ولكن كون عاودتو كون خدمت ليه اكتر حينتاش فهمت شي حوايج من غير الماط و الفيزيك لي غادي يعاونوني فحياتي من بعد
فهمت أنه ملي شي واحد كايقول أنه مايمكنش ليه حينتاش النيفو ديالو ناقص فالماط أو حينتاش معدل الجهوي طايح أو حينتاش شي أستاذ ماكايحملوش أو مشا الحال عليه فهادو مجرد أعذار و تخربيق ماعندو حتى شي علاقة بالواقع .
شكرا أستاذ جمال على أنك كنتي من الأسباب لي خلاتني نتغير هاكا .
المعدل العام : 15،42
الفيزياء : 18،25
الرياضيات : 16
الإمتحان الوطني : 16,4
أنور الباك ب 16,56 ملقيت ما نكول
Mal9it mangolik wlah bzaaaf dyal lhooop a prof vraiment
شكرا
سعاد من دار الطالبة الى ميزة حسن جدا و الأوائل في الثانوية
(تم تغيير الاسم للمحافظة على خصوصيتها)
القصة ديالي مع الباك هي قصة بدات من أول يوم حطيت فيه رجلي فالثانوية .مع العلم أنني تنسكن بعيدة على الثانوية كنت جالسة في إحدى دور الطلبة .انا بديت التحضير للباك من السنة اﻷولى باكالوريا حاولت ناخد اﻷساس ديال المواد خصوصا الفيزياء حيت درت شعبة علوم فيزيائية .وركزت على الجهوي وخدمت ليه مزيان وحصلت فيه على 17.70
اما السنة ديالت الباك كنت تنخدم ليل نهار غير بوحدي بعد المراة ملي ماتنعرفش لشي تمرين كيبقى فيا الحال بزااف ولكن ماتنفقدش اﻷمل وماتنيأسش (pour mes parent) .المهم درت كل مافي جهدي وكنت تنتفرج فالفيديوهات ديالك اللي كيحفزوني بزاااف وتنرتاح ملي تنشوفهوم .ومن بعد خدمت وكافحت على قبل الحلم ديالي وديال عاىلتي انني ندخل لكلية الطب حصلت فالدورة اﻷولى على معدل 18
ومن بعد خدمت على قبل الوطني باش نحقق نفس النثيجة ونحصل كذلك على 18 .ماكنتش فالفيزيك تنزل على 19.75 والرياضيات كذلك .ولكن غير شوية من الدورة الثانية حتى بداو اﻹضرابات ومابقيناش تنقراو السوايع بزااف خصوصا الرياضيات .
وبديت تنشوف في الزملاء ديالي نوع من العجز والكسل وكلشي تيقول هاذ السنة تتكرر .انا ماهتميت بكثرة الهضرة وحاولت نبعد عليها وبديت تناخد الدروس من اليوتوب مع اﻷساتذة وتنخدم التمارين واخا هي صعيبة شوية .وفاﻷيام ديال التحضير لﻹمتحان الوطني تعذبت بزااف الصراحة كنت تنسهر بزااف وتنفيق بكري وكنت تنخدم التمارين بزاااااف خصوصا الفيزياء اللي حصلت فيه على (17.75)وكذلك الرياضيات اللي حصلت فيه على (18) الحمد لله
تجربة الباك تجربة زوينة وفيها الجدية بزااف .للذكر فقط انني كنت مقاطعة جميع مواقع التواصل اﻹجتماعي وكنت تنستاعن باليوتوب بزااااف فالقراية فقط
ومن بعد الحمد لله حصلت على شهادة الباكالوريا بميزة حسن جدا وكنت من بين اﻷوئل في الثانوية.ولكن مافرحتش حيت ماحصلتش على المعدل اللي تمنيتو وبغيتو .مع العلم ان المعدل اللي حصلت عليه حاليا كيمكني بأنني ندوز مباراة الطب .
كريمة : منقطعة 12 عام + جوج وليدات… الى باك حر أداب ب 18,33
قبل الباك الحر راسلتني كريمة بهذه الرسالة (تم تغيير الاسم للمحافظة على خصوصياتها)
SLM DR JAMAL MERCI 3LA HADCHI LI KADIR 3AFAK ANA 12 ANS BACH KHLIT L9RAYA KHREJT MEN CINQUIEME W TZWEJT 3ENDI 2 ENFANTS W DABA 9RART NDIR BAC LIBRE MAIS RANI KANHESS S3IB HIT MA39ELT 3LA WALOUUUUU W BAN LIYA NDIR BAC ADAB M3A L3ILM ANA KENT 3ILMIA CHNOU TNSHNI WACH NZ3EM WLLA HTTA NRAJE3 MZIAN 3AD NTSJEL LL3AM LMAJI ET MERCI
و هذه النتيجة بعد تعليق النتائج:
اول حاجة انا انقطعت من 2007 وكنت متفوقة ولكن تخطبت و الواليد منعني نكمل قرايتي من بعد ما تزوجت ولاو عندي زوج وليدات
وصلات واحد الوقيتة اللي صحاباتي و زميلاتي السابقات تخرجو و دارو مستقبلهوم من داك الوقت و انا كنحس بواحد الفراغ فنفسي العالم بيه الله وحدو كذلك الضغوط و المشاكل العائلية كانت كتخليمي نزيد نتاكد ان القراية بوحدها هي الملاذ
من المعلوم ان ان الزوج ديالي كان رافض فكرة متابعة الدراسة لكن مع توالي السنوات و الازمات المالية ولا متقبل الفكرة نسبيا كاين كذلك بنات عائلتي اللي تحسرو على قرايتي اللي ضيعتها فكانو كيشجعوني فكل وقت نستانف الدراسة
العام الفايت فكرت فالباك ليبر ومع بداية العام الدراسي عقدت العزم على النجاح بديت تقريبا من الدخول المدرسي شريت الروايات وبعض المقررات المدرسية و قلبت على قنوات فاليوتيوب اللي كتصب فالمسلك اللي ختاريتو تقريبا
انا اعتمدت على ليفيديو بزاف كنتفرج فيهوم و نعاود من بعد كندير ملخصات و نتلشارجي الامتحانات من بعد ما تسجلت و دفعت الملف ديالي قالت ليا بلي كاين واحد الصونتر كيدير الدعم للاحرار مجانا ابتداء من شهر مارس بالفعل بقيت متبعة الصفحة ديالهوم
و ملي دارو الاعلام على الدروس تسجلت و بقيت كنحضر الحصص و الاساتذة كيعطيونا امتحانات و كنخدمهوم فالدار و كيصححوهم ليا و حاجة اخرى كنت مكنقلبش على النجاح فقط كان هدفي نتحصل على نقطة عالية وسط الاستنكارات ديال الطلبة بما انه دايرة شعبة الاداب فيما ستنفعني النقطة العالية
و لكن لا شيء يثنيني عن الهدف و الحمد لله تحقق و اصبح واقعا يفتخر به الاصدقاء قبلي . فالحقيقة مكاينش صعوبات كبيرة فقط بعض التعب و الارهاق بسبب اشغال البيت و الاعتناء بالاطفال و هذا ملخص تجربتي التي كانت اروع تجربة فالحياة و مغاديش تكون اخر تجربة ان شاء الله
محمد: من الجهوي ب 10,4 الى 18,75 في الرياضيات
من بعد مخديت خديت الجهوي ب 10.4 بسبب ضعفي فالفرنسية نتيجة واحد الاستاذ خلاني حاقد على هاد المادة حسيت عن هاد النقطة لتحطمني
لين لقيت الاستاذ جمال المغاري هو لعاود شعل فيا الرغبة من جديد و خدمة هداك الصيف باش نتقيد معاه وتابعة جميع نصائحو وبقيت ماشي معاه
وخا فالفزيك زربت بسبب تاخري في قرائة الورق الى أن كلشي لكريتو مع الاستاذ لقيتو حاضر فالوطني الحمد لله
الصراحة شكرا جزيلا كبيرة للأستاذ جمال المغاري بفضلو قديت نرد الباز ديال المات و الفيزيك و نصبح من الاوائل فالقسم لأن الخبرة لعندو ماهي ديال مدة قصيرة بل هي خبرة عمر ففرانسا وهنى فالمغرب شكراااااا بزاف
أيوب: كفاش عوني د/ جمال المغاري ف Anglais باش جبت 19.5 أعلى معدل فمدينتي ؟
– أهيا أعايا من الكذوب معروف د/ المغاري راه كيعاون التلامذ غير فالمات و الفزيك و انت كتقول لونقلي أتا ربط ههه .- نو . soft skills وما أدراك ما soft skills ، كان تحط لينا فالامتحان 2 تاسكس (tasks) و
قسما بالله ما عمرني راجعت شي رايتينغ او حفظتها بحال شي وحدين , كان تحط لينا فالتاسك اللول نكتبو على كفاش كنبريباريو لامتحانات , بحكم أني كنت متبع مع د/ جمال المغاري soft skills بحال اني نستعمل تقنية الpomodoro باش اني نعدل الوقت هادي شحال من واحد كيجهلها دكشي علاش كتلقاه كيراجع ساعة ساعتين وكيتشكى من الوقت ماكافيهش و الجهد والو
, napuccino كنت ديما كنستعملها باش نشد الليل حيت بقوة السوايع فالمدرسة و السوايع ، المساء هو لي خاوي و بزاف السوفت سكيلز…. ،
نرجعو لموضوعنا كفاش جاوبت على التاسكز <حاولت نفكر بشي طريقة لي تخلي لمصحح يشوفني مختالف ، عرفت البقية ايقوليه كنراجع الدروس مباشرة من بعد منرجع المدرسة … هاد العبارات التقليدية ،
و أنا بحكم كنت كنتبع هاد الطرق ديال المراجعة مع سمعت إستعداد للإمتحان هوما أول حاجة طاحت فراسي داغيا فورقة الوسخ كتبت Napuccino-Pomodoro و كانت الأفكار ديالي هاكا وبسيطة حيت ماخاصناش نفوتو السطور :
I prepare for my exams in different ways.First, ….
– I revise scientific subjects at night after using the Nupuccino method .
– Thanks to the pomodoro technique I can revise more and more hours than usual .
– I test my abilities and my acquires in Quizlet site that helps me to overcome any fear from forgetting/forgetfulness .
– I use the mind-mapping and flashcards to summarize my lessons .
هاد الأفكار ماشي غي خديت عليهم علامة كاملة ، مي عاونوني حتى فالتاسك (2) لي كان خاصنا نهضرو فيه على أسباب العنف المدرسي ، وكنت درت فيه واحد 2 كلمات ماكينينش كاع فلونقلي أو ماصالحينش بحال ‘’demanging’’ راكم عارفين لقاعة كاملة عارفاك عندك مع لونقلي وكلشي كيغوت بسميتك جابو لي الدوخة ،و أصلا لونقلي يوميا كيتزادو فيها شي مفردات جداد ولي يقولك راه ضابط لونقلي كامل غي كذاب ، معلينا فاش لمصحح مشا لقوقل قلب على هادكشي لي كتبت واش كين ، لقاهم طرق علمية كيستعملوها كبار الشخصيات الناجحة كسبت الإحترام ديالو و فاش لقى شي كلمات غراب قال مع راسو مكن هاد الدري النيفو تاع كيفوق النيفو تاعي ههه هادشي صحيح 100 % هههه ، ومابغاش يحط لي 20 :’(
هاي كانت قصتي كفاش عوني د/المغاري الله يجازيه بخير باش نجيب 19.5 فلونقلي .
شكرا دكتور .
غزلان: متنساش الاحلام ديالك … أبدا أبدا أبدا
مرحبا أستاذ لمغاري
قصتي مع baclibre.ma بدات بالصدفة ف ليوتيب ، دخلت وعجبني المحتوى وقريت انه الى بغيت داكشي بالترتيب ندخل للموقع ؛ دخلت للموقع ولقيت فورماسيون منين نبدا للي هي مجانية ، قلت مخاسرة والو الناس كتخلص فلوس هنا ولهيه وانا لقيتها باطل علاش لا ،
تسجلت فيها وعجباتني انه ماشي كلشي فدقة وحدة وانما كل يومين كترسل ايميل ، يعني بحال كاين شي حد كل مرة كيعطيك وقت وكيناقش معاك موضوع مهم باستمرارية ( حسيت بالابداع ف الفكرة) . تسجلت وقلت تا نكون مسالية حيت كانت فترة امتحانات .
هنا غانعاود على مسيرتي الدراسية ، انا حاليا طالبة جامعية فجامعة الاول بكلية الحقوق ، شعبة الاقتصاد . خديت لباك نتاعي ف 2012 بميزة مستحسن ف العلوم الفيزيائية، وبصراحة كنت غا كنقرا بلا منفكر اش كندير ولا شنو غايخصني ، كنقرا ديما ومكنجيبش بزاف .
المهم ولظروف توقفت بعد لباك تماما لمدة خمس سنوات ، و ف 2017 قررت نرجع نقرا بلباك لقديم نتاعي ودرت اقتصاد ف الجامعة ، وداكشي للي كان شحال هادي تكرر كنقرا وكنقر .. ومكنجيب والو لكن هاد لمرة ماشي مكنجيبش نقط مزيانة لكن مكنفاليديش كاع ، داز كتر من عام هاكا المشكل زاد عندي وكان نفسي اكثر منه حاجة أخرى ، وقررت نحبس ونوقف لانني بحال هاداك للي مكيعرفش يعوم فوسط لما غاكايزيد يغرق …. قررت ننسى الحلم نتاعي انني نرجع دكتورة غزلان ، قررت ننسى الحلم حتى إشعار آخر ونجمع باليزتي ونرجع لدارنا .
المهم بزاف … فجأة لقيت شي حاجة كانت خاصاني من هادي سنوات ورجعلي الأمل … وتبعت داكشي للي ف لفورماسيون ولقيت بزاف د لحلول د مشاكل للي انا مكنتش مستوعباهم… وللي مكنتش اصلا واعية بيهم.
نرجع لمسيرتي الدراسية .. رجعت كملت قراية وكانت نتيجة واخا ماشي كبيرة لكن فاليديت ..
عارفة راسي طولت لكن حاولت نوصل كيفاش أثرات عليا باك ليبر. وواخا مزال موصلت لكن غانوصل ، مدام قدرت نلقا الحلول بفضل باك ليبر .
وأكثر حاجة عجباتني أن فورماسيون منين نبدا كتهتم بالجانب النفسي للطالب للي هو جانب مهمل رغم الأهمية لكبيرة نتاعو ومتأكدة كاين بزاف د الطلبة بحالي منهم للي كنعرفهم وكيختارو ينساو الحلم نتاعهم ومنهم للي مشا للتكوين … ونسا حلم bac+5
أو bac+8.
وآخر حاجة كنقولها أن هاد لفورماسيون ماشي غي لصحاب لباك وانما اي طالب علم لقا مشاكل ممكن يلقى حلول ليهم ف لفورماسيون لانها كتناقش بزاف د لجوانب . وكتحس ان عندك شي حد كيجلس معاك وكيشوف مشاكلك ف الدراسة باستمرار .
وشكرا جزيلا دكتور لأنك كتحاول تطلع مستوى التعليم و كترفع من جودة طالب العلم .
هادشي غير حياتي .
