كما وعدتكم قصة أخرى محفزة لمترشح معنا
تصله هذه الايميلات كما تصلك
قرأها لمدة سنوات …
و شمر عن ساعديه و لم يندب حظه
و لم يحقد على الظروف
ادخل عبد المالك
==
السلام عليكم ورحمة الله وبركاته أستاذي الفاضل كيف حالكم ، كنتمنى تكون بخير و على افضل ما يرام
عملا ب من لم يشكر الناس لم يشكر الله ،
كنبغي نشكرك بزاف و الله يرحم واليديك، كنت من بين الناس و الأسباب لي عاونوني نوجد لباك حر بالدروس ديالك المصورة في يوتيوب
الله يجازيك بيخير و شكرا بزااااااف بزاف
للأسف مكانش عندي فلوس باش ندخل لأحد الدورات ديالك لكن شكرا شكرا لك سيدي
اتمنى لك التوفيق
مع خالص حبي و احترامي لك ✌❤🙏
# قصتي مع الطب 😃🙂🥰
(الجزء 1 ) :
السلام عليكم ورحمة الله وبركاته الإسم ديالي ع.ز طالب حاصل على الإجازة المهنية سنة 2020 في مدينة ال********** شعبة البناء والأشغال العمومية و طالب طب سنة أولى ،
لمهم كنتمنى هاد القصة تكون مصدر للتحفيز ديال أي طالب أو طالبة فحياتو الدراسية أو إنسان بصفة عامة فحياتو الشخصية
أو بصفة خاصة الطلبة لي تايقراو فشي مجال و فشلو و تحطموا
و ما بقاااوش قادرين يزيدو القدام ،
قراو قراو تشوفو العجب ديال القصة و الله ماتندمو إن شاء الله😁 .
منين غادي نبدا هاد القصة الحمقا…؟؟
على بركة الله نبداااو من تاريخ2015
كنت واحد التلميذ كجميع التلاميذ المغاربة المتفوقين فالثانوي و جاب لباك ديالو لكن
للأسف كالعديد منهم ما جابتوش بشي نقطة لي مزياااانة لي أتخليني أنه ندفع لشي كونكور ولا شي مدرسة نااااضية ديال الهندسة
و رغم أن الكلية راه ماشي شي حاجة لي تقدر تحكرها و لكن هاكدا تربينا بغينا ولا كرهنا ، علمونا أن لفاك هي الحل الأخير
ما شافوش أنه الأغلبية ديال الأطر و الكفاءات المغربية راه فايتة قارية فالكلية و أنه الى عرفتي أشنو باغي راه تقدر تكون إنسان نااااجحاكاديميا واخا قريتي غير فلافاك، لمهم هدا موضوع طويييييل كانت هادي هيا البداية ديال الفشل ديالي في الحياة الدراسية🤪
درت لفاك واش كانت عندي شي رؤية ؟ ! ألاااا ، واش كنت مخطط مزيان و عارف أشنو بغيت ؟! حتى هيا ألاااا ، غير غادي و صافي ، فين؟ الله أعلم ههه فيناوا غادي
لمهم بديت لقراية و العجيب فالأمر كاااع داك الإجتهاد و الخدمة و المثابرة لي كانت عندي ما بقاتش ههه
هزيتي تلميذ مجد و متفوق و مجتهد و حطيتي طالب كسوووول و عاجز وبلا هدف و تائه
لمهم العام الأول العام الثاني ..لقيت راسي تنقرا بلا هدف بلا طموح وليت غادي لواحد الدومين لي ماعمري فكرت نديرو غير حيتاش
سمعت أنه ممكن تخدم بيه مزيان و فيه فرص الشغل كثييييرة و لكن واش هادا هو الطموح ؟ ! عاااوتاني أ لاااا !
البناء و الأشغال العمومية.
هاد الشي لي أثر على المستوى الدراسي ديالي و ليت ما كاين غير الرااطرباج هه لمهم
جات 2019 كان عندي العام الأخير ديالي فالقراية و ديك الوقت كانت واحد بنت خالتي كاتجي للمستشفى الجامعي هنا فمدينتنا تعالجعلى واحد الحساسية فعينيها
و كنت مرة مرة تنمشي مع العائلة للسبيطار ، لمهم بلا ماندوي على الوضعية ديال مستشفاياتنا و الإكتظاظ و الرشوة و … و و الضغطالكبير لي تيعيشوه الأطر الصحية لي حتا هوما بدورهم ضحايا هاد المنضومة الصحية الفاشلة 🤦🏻♂️🤷🏻♂️
لمهم نرجع للموضوع حسن لي خههه 😁
هيا هاديك من تما بديت تنشوف داك العااااالم الآخر لي كاين فسبيطاراتنا و شوية وليت تنتلقا مع بعض الأطباء لي أش غانقول ليكم : اللهيجازيهم بيخير
رغم الضغط لكبير عليهم و الصداع و الإكتظااظ و سوء المعاملة و ..و……إلا أنه كنلقا هاد الناس خداااامين من نيتهم رغم كل الصعاب
و من تماااا بدا الفيروس ديال دراسة الطب تيدخل لعندي فالجهاز المناعتي ديالي 😁😁😉
شويا لقيت راسي مقتنع أنه حتا انا بغيت نكون فحالهم ، حتا أنا بغيت نكون سبب فالعلاج ديال احد المرضى ( و الله هو الشافي ) ،
حتى أنا بغيت ناخد الدعاوي ديالهم و ربما يكون منهم شي واحد لي الدعوة ديالو ماكاتعرفش الرفض ، حتى أنا بغيت نكون من هاد الناسلي تاتقضى على إيدهم حوائج الناس و نكون سبب فالسعادة ديالهم ،
حتى انا بغيت ندير هاد الشي و عااااارف الوضعية الكارثية لمنظومتنا الصحية و المشاكل و الكوارث لي كاينا و مع ذالك بغيت هاد المجال ،
و لكن أجي للواقع أسيدي راه نتا مبقيتيش صغير راه عمرك 22 سنة و لباك لي عندك قديم و خاصك نقطة عااااالية باش تدفع للكونكور
لمهم قلت مع راسي و الله تنجرب أش خاسر
أنا أصلا فاشل فاشل دبا ههه قال لي واحد صحبي صلي صلاة استخارة و راه لي فيها الخير غادي يوريها لك ربي ، لمهم صليتالإستخارة و حسيت أنني فعلا باغي نقرا الطب
هيا هديك ، داك الصيف وجدت لكتوبة شريت داك شي ديال تمارين و حلول و كنت مقرر ندير صيونط ماط حيت كان فخباري أنه معنديشلحق نعاود باك حر بنفس الشعبة لي كنت فالباك العادي
و حتا أنا باش تعرفني راه كنت مصاااطي ، صيونص ماط و الله مخلعاتني 😁 ههه رغم أنه صراحة راه البرنامج ديال هاد الشعبة تيبغيخدمة كثييييرة و طوييييلة (النفس الطوييييل ) 😎 زعما.
لكن من قدر الله قال لي واحد السيد راه عندك الحق تدفع بكالوريا حر خيار فرنسية واخا فنفس الشعبة لي دوزت فاش كنت متمدرس
التتمة …. 😉🙂✌
(الجزء2)
….لمهم هيا هاديك بديت تنخدم نجمع فلوس و اخا كنت تنخدم شي خدامي ههه لاااااا علاقة و الله فحالا كنت ناسي أنني خديت ديكالإجازة 🤦🏻♂️
دفعت الملف ديال بكالوريا حرة علوم فيزيائيةخيار فرنسية و بقيت تنخدم مرة مرة ، و صراحة مكانتش ساهلة حيت
تاتجي من لخدمة عيااااان صعيييب باش تنوض تخدم و لكن راه تانقولها و نعاودها شتي الى عرفتي راسك أشنو باغي و طموحك و اللهجبال تاتحفرها ههه مايهمكش الصعوبات
و من بعد جات الكارثة لي حتى واحد ما كان متوقعها
<<وباء كورونا
شهر مارس العااالم غادي يتخربق و كاملين شفنا الأهمية ديال قطاع الصحة و الأطر ديالو تماك زدت تأكدت أن و الله تا بغيت هاد المجالحبا و طموحا زعما ماشي لشي اعتبارات أخرى . .
لمهم جا شهر يوليوز دوزنا الباك و لكن الصدمة هيا فاش علنو على النتائج لقيت راسي مجايبش داك الشي لي كنت معول عليه فالنقط 😞
رغم أنه كان البرنامج ديك ساعة ناااقص و الدروس قلاااال و لكن هاد الشي لي عطا الله كنت دفعت لميدسين و لكن ما كنتش متوقع أنالعتبة غادي يديروها هي 12
حتا تصدمت عاوتاني ههه ،
جا نهار لكونكور مشيت دوزت و لكن الصراحة ما كنتش موجد ليه غير مشيت نشوف الأجواء و صافي هه .
واش هاد الراس عندي غادي يوقف !!؟ 😀
ألااا العام جاي دوزت باك حر آخر علوم حياة وأرض خيار فرنسية و جبت نقطة لي تقدر تخليني ندوز لكونكورات و لكن أنا كنت مركز غيرعلى الطب
يا هو يا بلاش ههه و لواعرة هاد الشي كااامل طاري بالموازاة مع الخدمة كأنني مكمل حياتي عااادية
و هاد الشي لي نبغي نصح الطلبة
ما تبقاااوش دايرين غير هدف واحد أأأأه راه عندك طموح لواحد المجال معين و لكن خاص تكون عندك.. ,
plan B ,C باش متحطش راسك الله يحفظ فشي خيبة أمل و تولي ما داير واااالو لا هادي لا هادي خاصك تكون واقعي عاوتاني 😉
لمهم جات2021 كنت وجدت مزياان لكونكور و مشيت دوزت للمرة الثانية
خرجو النتائج
و كاااانت خيبة أمل خلاتني ندخل فواحد الإكتئاب الله لي عالم + هضرة العائلة و الناس بصفة عامة
تيردوك حماقيتي كااع 😁😄
كاين لي تيقول لك سييير ا ولدي أش بغيتي شي طب و نتا تا شرفتي و خديتي اجازة
را خاصك تكون بادي حياتك لمهم راكم عارفين دوك العلماء لي عندنا فالمجتمع تيقتلوك غير بالهضرة .
لمهم وليت جالس مع راسي و تيقول لي راسي” علاش بغيتي هاد الشي و نتا ديما كتفشل فشي حلم بغيتيه
حتا هادا غيييير كمل الطريق أولدي و نسا هاد الشي راه بعيييد علك ”
حيت فعلا هاد الشي لي زاد حمقني هه
فاش كنت صغير كنت كنمووووت على الطيران و بغيت نولي pilote هه و فشلت نحقق هاد الحلم ،
جات المرحلة الثانية وليت باغي الهندسة و حتا هو فشلت فيه مقدرتش نلتحق بشي مدرسة وطنية معرووفة باش نولي مهندس و جاتعاوتناي
هاد المرحلة و عشقت الطب و مزال تنفشل أنني ندخل للكلية باش نقراه 😞….تتمة إن شاء الله فالجزء الأخير .
(الجزء 3)
…جا شهر 3 واقيلا الى ما خانتني الذاكرة ، بديت عاوتاني تنوجد للكونكور تنكون خدام بنهار
ملي تنجي للدار بالليل ضروووري نخدم شي حاجة و ستافدت مزياااان من الأخطاء لي كنت ندير من قبل و من كرم مولانا تلاقيت مع واحدالطلبة دايرين واتساب دخلت معاهم حتا أنا 🤪
و تبارك الله كانو تيخدمو مزيااان و لقيت طلبة من كل الفئات كاين تيقرا فواحد لمجال و رجع بغا يدير الطب لأنه تيعشق هاد العلم الرائع و
كاين لي ناااجح فحياتو الدراسية و مع ذلك بغا الطب و كاين لي مزال يلاه خدا البكالوريا ديالو لمهم خليط ههه و تما
زدت تأكدت أنني و الله تانتقاتل باش نجيب الكونكور لمهم هاد الحلم ما بغيتش تا هو نفشل فالتحقيق ديالو 🥴🥴
لأنه بصح تاتوصل بعض مرات تتقول مع راسك أش تنخربق نمشي نكمل حياتي عادي و نزيد نطور راسي فداك المجال لي فيه و نسا شيحاجة سميتها حلم أو طموح أو حب أو عشق لعلم معين
حيت فعلا ما كاينش غير النجاح الدراسي صااافي راه كاين بزاااف ما يدار خيص غير تعرف شنو هي الشعلة لي غادي ضوي بيها 😉.
هيا هاديك أسيادنا
جا شهر يوليوز دوزنا لكونكور دوزت مزيان غيير الرياضيات لي بزااف لهربة ههه لمهم
قلت مع راسي موحااال نجيبو ولكن كيف سبق ذكرت راه استافدت بزاااف من الأخطاء السابقة و وليت نعرف كيفاش نتعامل مع لكونكور
جاو النتائج و تما سيدي ربي جاب الفرج ههه 😁 نجحت و تقبلت فكلية الطب بالدار البيضاء و العمرديالي 24 سنة تقريبا و الحمد للههادا ما كان .
: *هاد الشي كاااامل قلتو باش عسى و عا الله نعاون الطلبة أو التلاميذ لي ماتوفقوش أنه يجيبو شي كونكور
و بالأخص الناس لي تيحسو أنهم صافي فشلو و تحطمو و ما بقاوش قادرين يستمرو
* كنبغي نشكر كاااع الناس لي عاونوني و لي ديما كانو تيشوفوك باغي دير داك الشي لي كتحلم بيه و كانو على الأقل تيخليو لك كليمةزوينة لي تقدر تخليك تزيد القدام و تكمل و الى طحتي غا تنوض عاوتاني
و تانبغي نشكر حتا الناس لي كانو تيحطموني و تيقولو عليا غير تتخربق 😁 و هادو ماااا أكثرهم و لكن تنحترمهم حتا هوما
حيتاش غالبا الكلام ديالهم تيكون غير خوفا عليك أنك تفشل أو تضيع وقتك أو أنهم كانت عندهم من قبل تجربة غير ناجحة حتا هوما و مابغاوش طيح فنفس الشيء .
تانبغي نقول سلامي ليكم كاملين 💙🙏🙏✌و الله
يوفقكم فجميع المحطات ديال حياتكم و ماتنساوش سيدي ربي كبييير غير خدمو ا و زيدوا خدمو ما شي غير الدراسة أي حااجة سلاميليكم كاملين ✌.
انتهى .
====
لن اضيف شيئا
هناك دروس كثيرة بين السطور لقصة عبد المالك
لمن يفتح قلبه و يرى بعيني فؤاده
اقرأها و اعدها.
خذها كأنها قصة حياتك المستقبلية
سجلها عندك في التلفون
و طل عليها مرة مرة
لا تقل عندو الزهر!
لا تقل هو اما ماشي بحالو!
لا تقل انا عندي ظروف اصعب!
من يفعل ذلك يطفيء شمعته بيده
فلا يلوم الا نفسه!
بل قل هذه رسالة من الله ارسلها لي خصيصا
هذا اليوم هذه الساعة
عشرات الالاف من التلاميذ الاخرين لن يقرؤوها
و لن يعرفوها
(بالمناسبة لاحظ الصدف الغريبة (اشارات الله) التي وجدها عبد المالك في طريقه )
اذن قل هذا رزقي اليوم من الله العليم بما تحتاجه الان
و القوي الذي يساعد عباده.
افتح قلبك و استقبله.
بالتوفيق
======
للمترشحين الاحرار او التلاميذ المتمدرسين
الذين يحضرون الباك
بالعربية أو 2023 BIOF
لا تبق عالقا في مشاكل مراجعتك!
هذه دورة باب الباك لتحقق 19/20 في الرياضيات و الفيزياء
مهما كان مستواك السابق و مهما نسيت الدروس و الخصاءص
بأذكى طرق متوفرة و أقل جهد ممكن
الدكتور جمال المغاري
