امتحان الجمباز يكسر الثمانين في المائة 🤸‍♀️💪

بلوغك الوعي جذاب للناس. تحملك مسؤولياتك في الحياة جذاب للناس. تحديدك اهدافك و العمل عليها جذاب للناس بشدة.
مجهول

رسالة جميلة وصلت ايميلي هذا الاسبوع من سمية،
تسائل و تجربة و عبرة..

===
السلام عليكم دكتور المغاري
نتمنى تكون فاحسن الاحوال انت
وبنتك نور والزوجة ديالك الله اخليهم ليك
صراحة هاد الايميل توشاني بزاف
20 فالمية تحارب بيها 80 فالمية
راه الاغلبية الساحقة متقدرش ديرها
الا لخذا بالاسباب ووفقو الله تعالى

ولكن راه ممكنة،

انا عندي واحد القصة يمكن تبان تافهة
لبزاف ديال الناس،

ولكن خديت منها عبرة كبيرة،
المهم انا من السابعة وانا فينما يكون عندنا الجمباز
مكنلعبوش كنخاف نتشقلب

كنجي نوقف قدام التابي
وكنتبلوكا صحاباتي كيضحكو عليا

وديما كنتحررج قدامهم كنشوفهم كيتشقلبو
كاياخدو النقط
وانا ديما كنطلب الاستاذ يدير ليا امتحان كتابي
باش يالاه نوازن النقط شوية،

حتى جا هاد العام ديال الباك،
عندي واحد الاستاذ طلبتو قاليا والو
منعقلش عليك كاين غير البراتيك،

صافي مشيت للدار خديت مانطة وفرشتها

وقلت لخويا يبقى يهزني ويشقلبني
حتى مشات لخلعة ،

بشوية بشوية حتى ولفت
ووليت كنتشقلب بوحدي roulade avant, roulade arrière ,

الحمد لله
دابا بقيت كنفكر مع راسي

6سنين ديال الخوف والتردد والنتيجة والو،

نهار واحد ديال العزيمة يوماين تلاتة
الحمد لله تعلمت ،

وكذلك الباك ، الماط ولا الفيزيك

اي حاجة تخلعك
غير زعم عليها خليها
هيا تخاف منك ،
كلشي ممكن بعون الله
كنجدد التحيات ديالي

ليك استاذي الفاضل والسلام عليكم

==

قتلتيني بالضحك سمية
ماشي الضحك عليك

لكن بالضحك على نفسي
لأنني دوزت بحال هادوا عدد

فكرتيني في شي مواقف مضحكة و محرجة
فكرتيني في شي مواقف اللي عشت فيها لسنوات

لكن ليس المهم كم هو البئر عميق

المهم متى بدأت التسلق للخروج.

تساؤلك الأول في محله
و جائتني ردود أخرى عليه

ايلا كان ادكتور 80% مبرمج اصلا
و 20% فقط اللي نقدروا نبدلوا
هذا زهر عوج

أو كما يقول المثل:
راك غادي فالخسران أحمادي

ليس حتميا

ديك عشرين في المائة قوية جدا و محترمة

هاك بعض الدلائل :

١-الوقت غير محدود عندك،
لنفرض أن عمرك عشرين سنة،
فأنت لديك ثمانين سنة لهزيمة البرمجة الغالطة

اذا افترضنا مئة سنة من عمرك.

أوك … ايلا انت متشاءم لديك على الأقل ستون سنة كاملة…
صافي مزيان

ألا تكفي ستون سنة لهزيمة عشرون سنة؟
تكفي و نص و ثلاث أرباع

مثلا نحن في دورة باب الباك
عندما يتعلم تلميذ مهارة واحدة فقط :
مهارة التركيز أثناء المراجعة
فهو يضيف مباشرة خمسة نقاط في الرياضيات
و الفيزياء و العلوم و الفلسفة و الاجتماعيات وووو

تخيل فقط مهارة واحدة جديدة.

كم مهارة يمكن أن تتعلم في ستين سنة؟
على الأقل عشرة آلاف!!

٢- أنت لا تبدأ من الصفر
عندما كنت صغيرا لم يكن دماغك متطورا بالشكل الكافي
لذلك علقت به الكثير من الأخطاء
من المحيط و المجتمع

في الثامنة عشر أنت لديك
دماغ متطور عشر مرات اكثر

انت تعرف كيف تفرق بين الجيد و السيء
و تفرق بين الصواب و الخطأ

و يمكنك انتقاد الافكار البالية المتعفنة
و تغييرها!

٣- في العشرينات، أنت لديك استقلالية عشر مرات اكثر …
أنت يمكن أن تخدم على راسك
و تخرج من الدار

تحمل مسؤوليتك
تجمع المال
تستثمر في نفسك
تعمل على مستقبلك

لست ذلك الطفل الضعيف صاحب الثلاث سنوات
الذي يعتمد في الرضاعة على والديه
و يمكن أن يضيع في السوق بسهولة

لا انت انسان كامل متكامل واع
يفكر و يستوعب و يقرر و ينفذ

٤- انت لا حدود لتطور الوعي عندك
اذا بديت تتعلم بجد

هذه معلومة خطيرة جدا.
رحلة التعلم و التطور لا تنتهي في الأربعينات
أو السبعينات أو حتى التسعينات

عندما تبدأ هذه الرحلة الشيقة المثيرة
فأنت تتبع الأرنب الابض صاحب الساعة الكبيرة
أنت تدخل عالم أليس في بلاد العجائب
تطور الرياضيات و الفيزياء
و مدرسة المهندسين
و الثقة في النفس
و الاستثمارات في البورصة

و تطلق شركتك الاولى و الثانية
ثم العاشرة

لا توجد حدود

كلما تطور وعيك
كلما انفتحت ابواب جديدة
مثل الانفجار الكوني

كل يوم يتسع أكثر!

٥- دليل ساحق ماحق في الأخير
يرتبط بعدل الله

فعدل الله يقتضي أنه أعطاك
جميع القدرات للتحكم في نفسك و تطوير ذاتك
نحو الأحسن

جميع قدرات هزيمة الثمانين في المائة المبرمجة سابقا
جميع الطرق
جميع الاستطاعة

و الا اولاد الملحدين غادي يقول ليك :
لا سمحوا ليا …
هذا ما وجدنا عليه اباءنا
كانوا ملحدين حتى حنا بحالهوم.

و بنت رجل طالب معاشو ستقول
أنا محكورة و الدنيا معطاتنيش
و تحني الراس
و تاكل الدق بالسكات

لا ابدا!
عدل الله دائم و موجود و محقق
شاء من شاء و أبى من أبى

و هذا جوهر الاية الكريمة : لا يكلف نفسا الا وسعها

اذن نعم العشرون في المائة المتبقية
تستطيع هزيمة الثمانين في المائة السابقة
بقوة و عنف و ثقة

قل باسم الله
و ابدأ معنا

اعانك الله سمية
و ارسلي تجاربك القادمة

بالتوفيق

====

تريدني أن اساعدك في تحضير الباك هذا العام…ابتداءا من اليوم؟

مرحبا بك في فوج اينشتاين 2020-2021!

اذا كنت جديا قد استطيع ان اساعدك
لترجع كل la base التي قد تكون نسيتها

لتحارب قلة التركيز،
لتهزم العجز و الملل، و التسويف

لتطور ذاكرتك ضد نسيان القواعد، العلاقات
و لتتخلص نهائيا من الستريس stress في الامتحانات

لتستوعب اكثر و ترسخ معلوماتك اكثر mémorisation

بطرق سهلة…(لا تتجاوز عشر دقاءق)

و تحقق 18 و 19 في الامتحان القادم
و تكون الشخص الذي يفتخر به الجميع
(اكثر من 1562 تلميذ جربها بنجاح!)

دورة باب الباك المدفوعة هنا:
‏Https://baclibre.ma/pdvdrct10/

جديد! خصم خاص للتلاميذ المشتركين في الايميلات اليومية، على دورة باب الباك المدفوعة.
بما أنك تتابعنني يوميا، كهدية شكر، خصم -95 درهما.

الدكتور جمال المغاري

About the author

Jamal Doc. Lamghari

Leave a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

متابعة يومية معالدكتور المغاري؟
+ +