الايميل الذي خرج من بين انياب السبع

اليوم فقت و محاملش نخدم
عارفت من دوك الايام اللي مكتبغيش تخرج من تحت المانطة
ضرباتني التوقيظة مع شي الربعة ديال الصباح
و بقيت فايق … العينين محلولين
و الدماغ خدام بحال tgv البراق
و النعاس والوا

عييت منحاول ننعس و لكن niet nada
و بقيت هكاك حتى وصلات الثمانية
العشرة الحادية عشرة

عظامي كولهوم بحال اللي واكل عليهم الفلقة 200 جلدة
من صاحبك فالمسيد اللي محاملكش

مقدرت نخرج من الفراش حتى الواحدة زوالا

الفطور يلاه يلاه
مخدمت والوا هاد الصباح

العياء ديال هاد خمس عشر يوما الاخيرة
نزل عليا دقة واحدة
مرضي بالتهاب الحلق
مرض زوجتي غزلان
حتى نور مسلكاتش الرواح و الانف غير سايل

لكن هادشي غير اللعب قدام…
مرض نسيبي العزيز بأزمة حادة في القلب
و stress ديال مواعيد الاطباء
هاد ديال القلب ها ديال الرئة ها ديال التحاليل الطبية
جري جري
(دعواتك معاه مسكين راه 91 عام و بقات غير البركة)

المشكلة تابعني اربعة السوايع فتليفونات التلاميذ ديالي
و المشكلة تابعني الايميل اليومي

و هنا الدرس

بقيت بحالك كنخمم
واش نكتبوا ؟
اولا ننقز اليوم
بسبب الظروف الخارجية؟

واش هاد الظروف الخارجية عذر كافي باش نعتذر اليوم؟
اولا نمييك

شكون اللي عتق الموقف ؟
5003

دوك 5003 تلاميذ و مترشحين و اباء و اولياء التلاميذ
اللي واعدتهم هادي 10 ايام

في الايميل الاول

وعدتهم بالالتزام!
ايميل يوميا … مهما كانت الظروف

قوة داك الالتزام العلني المشهور بالبوق
اللي درتو هادي عشرة ايام

وقف عليا

ميمكنش تتهاون
ميمكنش تطيح كلمتك للارض
امام 5003
ديال الناس

و ها انذا اكتب هاد الايميل الثقيل جدا كثقل جبال الهيمالايا
لاقسم معك طرفا من حياتي

ايميل خرج من بين انياب السبع

لا تعتقد ابدا انك الوحيد الذي يمتحن امام تمرين دالة اسية
لا تعتقدي ابدا انك الوحيدة التي تعاني امام درس الميكانيك

لكل امتحان
و لكل نتيجة

الطائر في السماء في امتحان ايجاد 10 دودات لاطعام صغاره
و النملة في امتحان جمع الاكل اليوم و الا طردت من الخلية

ما المطلوب؟
ابذل جهدك.
اعط اقصى ما تستطيع. فقط. اليوم. الان.

غدا يوم جديد.

‏It is NOT a bad Life, it is Just a bad Day!
‏Tomorrow is a NEW one.

دورة باب الباك هنا:
باك عادي baclibre.ma/pdvdrct/
باك حر baclibre.ma/pdvdrcthor/
اب او ولي امر تلميذ baclibre.ma/pdvparents-aftrcll-fce/

الدكتور جمال المغاري

About the author

Jamal Doc. Lamghari

Leave a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

متابعة يومية معالدكتور المغاري؟
+ +