كيفاش تحيد الخوف من صعوبات التعلم فالماط و الفيزياء -كيفاش بدا و كيفاش نمسحوه-

كيفاش تحيد الخوف من صعوبات التمارين/الدروس فالماط و الفيزياء

-كيفاش بدا و كيفاش نمسحوه-

طريقة The 4W

 

واش كتعرف بيلا طفل ديال عام لا يخاف الثعابين و لا العقارب ولا العنكبوت…

اذن الخوف ليس مزروعا في جيناتك… ليس وراثيا … لا تاخده عند ولادتك

انت (ي) تولدت صفحة بيضاء

نقية

لا تخاف احدا

لا تخشى شيأ

تؤمن بأحلام كبار

ثم شفتي اباك تيتخبا من مول الكراء

كيتهرب منو… كول ليه مكاينش

مشرحش ليك علاش؟

 

 

راني غير كنتسنى راس الشهر و نخلصوا ….لا لا انتي غير شفتي الخوف فعينيه

 

 

من بعد شفتي واحدة من العائلة قريب يسكت ليها القلب ايلا شافت حنش

ايلا شافت عقرب… و حتى سراق الزيت داير حالة

كتصفار و تبدا تولول

crise de nerf انهيار عصبي بمعنى الكلمة

 

و بدات البرمجة ….

برمجة الخوف كتسرح

شي وحدين مشاوا بعيد كيخلعوك بالبوليسي

حتى كيخلعوك بالغول

اشناهو هاد الغول؟ وصفوا ليا… كيف داير؟

 

ديما كنتسائل و باقي مجاوبني حد؟

انت مرة كتخلع مرة لا

 

غادية القضية حتى ل7 سنين اولا قبل شوية… صافي كبرتي

و المجتمع خاصو يوجدك للاستقلالية ديالك

يوجدك للحرية … لحرية القرار

باش تخدم على راسك

 

احسن فكرة طاحت عليهوم فديك 1884 تقريبا

و بدا التعليم الاجباري كيفما كنعرفوه

القسم الاستاذ المقرارات التمارين …

ولا اجباري ففرنسا بشوية بشوية فالعالم

و من بعد فالمغرب

المهم دخلتي للابتدائي… بدا التعلم و بدات صعوبات التعلم

و بدا الخوف من صعوبات التعلم

 

اشنو هو هاد الخوف؟

احساس أناني من الداخل مكيبغيكش تتألم

عندو صوت كتسمعوا فراسك

هو آلية ديال الدفاع الذاتي… كيطلق الادريانالين في الدم

كيجمع الانتباه ديالك 700 فالمية …كيعطيك قوة فالتحرك

كتبدا تعرق … و القلب كيضخ الدم بسرعة فائقة

 

فاش كنا عايشين فالغابة واحد 100000 عام هادي

نخافو من السبع، نترعدوا من النمر

رادين البال مع الحناش و العقارب

كان الخوف من الموت داير خدمتو مزيان

كان الموت داير بينا من كل جهة

اللي غفل طارت رجليه hémorragie

مااااات

 

اليوم تبدل هاد الشي 180 درجة

هاد الاعداء مبقاوش فالمدينة

و لا الامن ولا النظام

و لكن الية الدفاع مزال خدامة

ولات كتطلق déclenchée

فاش يقرب امتحان … فاش توحل فتمرين

—> كتحاول تبعدك على الالم

هادا شرح مبسط … اما التفاصيل كثيرة و متشعبة

و خاصها مجلد

كاينين طرق ديال المعالجة متطورة كنشوف البعض منها فباب الباك

 

و لكن مهم بزاف أنك توعى بطبيعة الخوف

و الاصل منين جا… و التدرج كيفاش تيتحول خطوة بخطوة

احساس أناني من الداخل مكيبغيكش تتألم

عندو صوت كتسمعوا فراسك

بالزربة نشوفو واحد الطريقة باش تنقص الخوف من صعوبة التعلم
غادي نشرحها من بعد بالتفصيل
The 4 W
The 4 Why !!

بمثال غادي تبان أحسن

سارة كتكول : أنا كتجيني الخلعة من الوطني، غادي يتحط صعيب هاد العام

1 Why?
علاش كتجيك هاديك الخلعة؟
جواب : كنحس براسي ضعيفة

2- Why?
علاش كنحسي براسك ضعيفة؟
جواب : مكنفهمش الماط مزيان

3- Why?
علاش مكتفهميش الماط مزيان؟
جواب: كنخدم التمارين و كنوحل فيهوم

4- Why?
علاش كنخدمي التمارين و كتوحلي فيهوم؟
لأنني مفاهماش الدرس مزيان

 

Great …. دابا دزنا من الخوف
دزنا من الخلعة من الوطني
الى سبب نقدرو نخدمو عليه…
نقدرو نلقاو طرق جديدية نستعملوها و نطوروها

و فهاد الطريقة … ايلا لاحظتي… فكل سؤال كينقص درجة الخوف
كينقص التردد كتنقص الخلعة
و كيثبت الدماغ و العقل

كنديرو البرمجة العكسية

 

 

و لكن باش تنفعك The 4W متوقعش فهاد الاغلاط :
1- الاسئلة ديما يكونوا عليا أنا…
ماشي على استاذة الماط … اولا الوزارة
اولا البلاد … اولا المشاكل الصحية ديال الوالدة…

الاخرين متقدش تبدلهوم. ( غادي ندير عليها بوست بوحدها)

راسك oui yes you can!

 

2- كولما بديتي Action
The 4W و التغيير كولما الاجوبة على
كتبدل…
donc وقتما طورتي السبب الاساسي
عاود طرح الاسئلة
Why? Why? Why? Why?

3- هاد الطريقة شخصية بزاف … طبقها على راسك انت انتي
متطبقهاش على الاخرين…
وتحاول تجاوب على الاسئلة فبلاصتهوم
NON
وريهوم الطريقة tag بارتجيها معاهوم و صافي

ONE last thing…
تجيك انت ترمي ولدك عندو عام من 15 مترو و عاد تلقفو لتحت ؟
بلا خوف و بلا دهشة؟
عادية! تيديروها كل عام
الالاف الالالاف ديال الناس كل عام فواحد القنت فالعالم

 

الطفل الصغير لا يشعر بالخوف
حافظ عليه

 

شي لعيبات زوينين ينفعوك فالباك هنا :

https://goo.gl/NwJRYo

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *